ઉત્તરપ્રદેશઃ શપથવિધી સમારોહને લઈને ભાજપની તડામાર તૈયારીઓ, કાર્યકરોને અપાઈ મહત્વની સૂચનાઓ
લખનૌ: યુપીની નવી સરકારનો શપથ ગ્રહણ સમારોહ 25 માર્ચે લખનૌના ઈકાના સ્ટેડિયમમાં યોજાશે. નવી સરકારની રચના માટે તૈયારીઓ જોરશોરથી ચાલી રહી છે. ઈવેન્ટના 4 દિવસ પહેલા જ ઉત્તર પ્રદેશ બીજેપીએ પોતાના કાર્યકર્તાઓ માટે સૂચના જાહેર કરી છે. એવું કહેવામાં આવ્યું છે કે, શપથ ગ્રહણ સમારોહના દિવસે રાજ્યભરના કાર્યકર્તાઓએ પૂજા કરવી જોઈએ. આ સાથે એવું પણ કહેવામાં આવ્યું છે કે આ કાર્યક્રમમાં ભાગ લેવા માટે રાજ્યભરમાંથી આવતા કાર્યકરોએ પોતાના વાહનોમાં ધ્વજ સાથે આવવાનું રહેશે.
ભાજપના કાર્યકરો માટે નિર્દેશ
- શપથગ્રહણના દિવસે રાજ્યભરમાં શક્તિ કેન્દ્ર સ્તરે મંદિરોમાં સવારે 8 થી 10 સુધી પૂજા કરાશે
- વિધાનસભાના તમામ કાર્યકર્તાઓએ કાર્યક્રમમાં પહોંચવાનું રહેશે.
- દરેક વિધાનસભામાંથી 2-2 કાર્યકરોને 24મી માર્ચે જ પહોંચવાનું કહેવામાં આવ્યું છે.
- રાજ્યભરના દરેક જિલ્લાના જિલ્લાધ્યક્ષોને નર્દેશ આપાયો છે કે, તેઓ કાર્યકરોની યાદી તૈયાર કરે.
- તમામ કામદારોને પોતપોતાના વાહનોમાં ઝંડા લગાવવા માટે કહેવામાં આવ્યું છે.
શપથગ્રહણના એક દિવસ પહેલા 24 માર્ચે બીજેપી વિધાયક દળની બેઠક યોજાશે અને ગૃહમંત્રી અમિત શાહ લખનઉ આવશે. આ દિવસે જ ધારાસભ્ય દળની બેઠકમાં નેતાની પસંદગી કરવામાં આવશે.
