રશિયન આર્મીમાં કામ કરી રહેલા 50 ભારતીયોને સ્વદેશ પાછું ફરવું છે, ભારત સરકાર પાસે માંગી મદદ
રશિયન આર્મીમાં કામ કરતા લગભગ 50 ભારતીય નાગરિકો હવે દેશમાં પાછા ફરવા માંગે છે. વિદેશ મંત્રાલયે શુક્રવારે (19 જુલાઈ 2024) આ માહિતી આપી હતી. વિદેશ મંત્રાલયે કહ્યું કે રશિયન સેનામાં ફરજ બજાવતા લગભગ 50 ભારતીય નાગરિકોએ ભારતીય અધિકારીઓનો સંપર્ક કરીને તેમને રજા અપાવવામાં મદદ માંગી છે. બંને દેશો આ મામલાના ઉકેલ
માટે કામ કરી રહ્યા છે.
યુક્રેનમાં સંઘર્ષની ફ્રન્ટ લાઇન પર તૈનાત એકમો સાથે સેવા આપતા આ વર્ષે ચાર ભારતીયોના મોત થયા બાદ નવી દિલ્હીએ રશિયન સૈન્યમાં ભારતીયોની ભરતી પર પ્રતિબંધની માંગ કરી હતી. હકીકતમાં, મોટાભાગના ભારતીયોએ રશિયન સૈન્ય સાથે સહાયક સ્ટાફ જેમ કે રસોઈયા અને સહાયકો તરીકે સેવા આપી હતી અને યુદ્ધ શરૂ થયા પછી યુદ્ધ લડવા ગયા હતા.
પીએમ મોદીએ પણ આ મુદ્દો ઉઠાવ્યો હતો
વડા પ્રધાન નરેન્દ્ર મોદીએ મોસ્કોમાં તેમની તાજેતરની વાર્ષિક સમિટ દરમિયાન રશિયન રાષ્ટ્રપતિ વ્લાદિમીર પુતિન સાથે પણ આ મુદ્દો ઉઠાવ્યો હતો અને ભારતીય નાગરિકોની વહેલી મુક્તિ અને સ્વદેશ પરત લાવવાની માંગ કરી હતી.
’50 ભારતીયોએ રજા માટે મદદ માંગી છે’
જ્યારે વિદેશ મંત્રાલયના પ્રવક્તા રણધીર જયસ્વાલને નિયમિત મીડિયા બ્રીફિંગમાં રશિયામાંથી ભારતીય નાગરિકોને પરત લાવવાના પ્રયાસોની સ્થિતિ વિશે પૂછવામાં આવ્યું ત્યારે તેમણેકહ્યું કે રશિયન સેનામાં ફરજ બજાવતા નાગરિકો અને તેમના પરિવારો અનુસાર લગભગ 50 ભારતીયો દ્વારા ઘરે પાછા ફરવા મદદ માંગવામાં આવી છે. તેમણે કહ્યું કેબંને દેશો આ સમસ્યાના ઉકેલ માટે કામ કરી રહ્યા છે તેમણે કહ્યું, “આ એવા કિસ્સાઓ છે જેમાં વ્યક્તિ અથવા તેના પરિવારના સભ્યોએ તેમની વહેલી મુક્તિ માટે મદદ માટે અમારો સંપર્ક કર્યો છે. અમે નેતૃત્વ સ્તર અને અન્ય સ્તરે પણ આ ખાસ મુદ્દો ઉઠાવ્યો છે.
રશિયાની સેનામાંથી 10 ભારતીયો પહેલા જ પરત ફર્યા છે
તમને જણાવી દઈએ કે રશિયન આર્મી દ્વારા ભરતી કરાયેલા 10 ભારતીયો પહેલા જ દેશમાં પરત આવી ચૂક્યા છે. કેટલાક મીડિયા રિપોર્ટ્સમાં દાવો કરવામાં આવ્યો છે કે રશિયન સેનામાં ફરજ બજાવતા ભારતીયોની વાસ્તવિક સંખ્યા 100થી વધુ હોઈ શકે છે. કેટલાક ભારતીય નાગરિકોએ મદદ માટે વિડિયો અપીલ જારી કરીને કહ્યું છે કે તેઓ યુક્રેન સાથે ચાલી રહેલા યુદ્ધમાં ફ્રન્ટલાઈન પર છે અને તેમના યુનિટમાં સેવા આપતા ઘણા વિદેશી નાગરિકો માર્યા ગયા છે અથવા ઘાયલ થયા છે. ભારતીયો ઉપરાંત બાંગ્લાદેશ, નેપાળ અને શ્રીલંકા જેવા પડોશી દેશોના લોકો પણ રશિયન આર્મીમાં સેવા આપી રહ્યા છે.
