આજથી એક મહિના માટે અમદાવાદ મુંબઈ વચ્ચે તેજસ એક્સપ્રેસ ટ્રેન રદ કરવામાં આવી, IRCTC એ કરી જાહેરાત
- IRCTC એ કરી જાહેરાત
- એક મહિના માટે તેજસ એક્સપ્રેસ બંધ
- કોરોના વધતા લેવાયો નિર્ણય
મુંબઇ અને અમદાવાદ વચ્ચે દોડતી તેજસ એક્સપ્રેસ 2 એપ્રિલથી એક મહિના માટે બંધ કરવામાં આવી છે. મહારાષ્ટ્રમાં કોવિડ -19 ના વધતા જતા મામલાને ધ્યાનમાં રાખીને આ નિર્ણય લેવામાં આવ્યો છે. પશ્ચિમ રેલવેના પ્રવક્તાએ આ અંગે માહિતી આપતા કહ્યું કે, આજથી એક મહિના માટે આ સેવા સ્થગિત કરવામાં આવી રહી છે.
ગયા વર્ષે મુંબઇ-અમદાવાદ રૂટ પર આ ટ્રેન સેવા માર્ચથી ઓક્ટોબર દરમિયાન સ્થગિત કરવામાં આવી હતી. ત્યારબાદ નવેમ્બરમાં મુસાફરોની સંખ્યામાં ઘટાડો થયા બાદ તેને ફરીથી થોડા સમય માટે બંધ કરવામાં આવી હતી.
જે મુસાફરોએ 2 એપ્રિલ અથવા તે પછીની ટિકિટ બુક કરાવી હતી, તેઓને આ વિશે જાણ કરવામાં આવી છે. તેમની ટિકિટનું રિફંડ ટૂંક સમયમાં જ જારી કરવામાં આવશે.
IRCTC તરફથી પણ આ અંગે ટ્વીટ કરીને માહિતી આપવામાં આવી છે. ઉલ્લેખનીય છે કે, મહારાષ્ટ્રમાં નાઇટ કર્ફ્યુ લગાવવામાં આવ્યું છે.એવામાં સામાન્ય મુસાફરોને મુશ્કેલી પડી શકે છે. તેને ધ્યાનમાં રાખીને આ નિર્ણય લેવામાં આવ્યો છે. આ વર્ષે 14 ફેબ્રુઆરીથી મુંબઇ-અમદાવાદ વચ્ચે ચાલતી તેજસ એક્સપ્રેસ અઠવાડિયાના 4 દિવસ શરૂ કરાઈ હતી.
-દેવાંશી
