કોરોનાની મહામારી વચ્ચે સ્વાસ્થ્ય મંત્રાલયની જાહેરાત, 100 નવી હોસ્પિટલોમાં PM Cares Fund માંથી ઓક્સિજન પ્લાન્ટ લગાવવામાં આવશે

• કોરોનાની વચ્ચે સ્વાસ્થ્ય મંત્રાલયની મોટી જાહેરાત
• 100 નવી હોસ્પિટલોમાં લગાવાશે ઓક્સિજન પ્લાન્ટ
• PM Cares Fund માંથી લગાવાશે ઓક્સિજન પ્લાન્ટ

દિલ્હી : દેશમાં કોરોના વાયરસનું સંક્રમણ સતત વધી રહ્યું છે. કોરોના સંક્રમિતોને હોસ્પિટલમાં તેમની સારવાર દરમિયાન ઘણી સમસ્યાઓનો સામનો કરવો પડી રહ્યો છે.આ વચ્ચે કેન્દ્ર સરકારે ગુરુવારે કહ્યું હતું કે, PM Cares Fund માંથી 100 નવી હોસ્પિટલોમાં ઓક્સિજન પ્લાન્ટ સ્થાપિત કરવામાં આવશે.

કેન્દ્રએ કહ્યું કે, કોવિડ -19 ના વધતા જતા કેસોને લીધે 50,000 મેટ્રિક ટન ઓક્સિજન માટે ટેન્ડર મંગાવવામાં આવશે,જ્યારે તેના સંસાધનો અને ઉત્પાદન ક્ષમતાને આત્યંતિક કેસોવાળા 12 રાજ્યોની જરૂરિયાતોને પહોંચી વળવા ઓળખવામાં આવી છે. કેન્દ્રીય સ્વાસ્થ્ય મંત્રાલયે પણ આ માટેની ટેન્ડર પ્રક્રિયા પૂર્ણ કરવા અને વિદેશ મંત્રાલયના મિશન દ્વારા ઓળખાતી આયાત માટે સંભવિત સંસાધનોની શોધખોળ કરવા સૂચના આપવામાં આવી છે.

સ્વાસ્થ્ય મંત્રાલયે એક નિવેદનમાં જણાવ્યું કે, તે આ સંદર્ભે આદેશો જારી કરી રહ્યું છે અને ગૃહ મંત્રાલય દ્વારા તેને સૂચિત કરવામાં આવશે. જરૂરિયાતવાળા આ 12 રાજ્યોમાં મહારાષ્ટ્ર, મધ્યપ્રદેશ, ગુજરાત, ઉત્તર પ્રદેશ, દિલ્હી, છત્તીસગઢ, કર્ણાટક, કેરળ, તમિલનાડુ, પંજાબ, હરિયાણા અને રાજસ્થાનનો સમાવેશ થાય છે.

દેવાંશી