દિલ્હીમાં 11 વર્ષ બાદ 29 જુન સૌથી ગરમ દિવસ નોંધાયો- હજી પણ ગરમીમાં રાહત માટે વરસાદની જોવી પડશે રાહ
- દિલ્હીમાં હાલ પણ ગરમી યથાવત
- વરસાદ માટે દિલ્હીવાસીઓ એ હજી રાહ જોવી પડી રહી છે
દિલ્હીઃ- દેશની રાજધાની દિલ્હીમાં હાલ પણ ગરમીનું પ્રમાણ યથાવત જોવા મળે છે, દિલ્હીના લોકો ચોમાસાની સિઝનમાં ગરમીનો માર સહન કરી રહ્યા છે. મંગળવારે રાજધાની દિલ્હીનું મહત્તમ તાપમાન 43 ડિગ્રી સેલ્સિયસ પર પહોંચ્યું હતું, જે સામાન્ય કરતા છ ડિગ્રી વધારે જોવા મળે છે. હવામાન વિભાગે આગાહી કરી છે કે બુધવારે પણ લોકોને દિલ્હી જેવા જુદા જુદા ભાગોમાં ગરમી જેવી સ્થિતિનો સામનો કરવો પડી શકે છે.
દિલ્હીની જનતા હવે ગરમી સહન કરી રહી છે, અને ચોમાસામાં વિલંબ થવાનો ભોગ બની રહી છે. સામાન્ય રીતે જૂનના અંત સુધીમાં ચોમાસાના ઝાપટાને લીધે ગરમી ઓછી થવા લાગે છે. પરંતુ, આ વખતે હવામાનની પધ્ધતિ સંપૂર્ણપણે જુદી જુદી જોવા મળી રહી છે. દિલ્હીમાં ચોમાસાની સત્તાવાર તારીખ 27 જૂન છે.છત્તાં પણ હજી સુધી વરસાદ વરસવાનું નામ લઈ રહ્યો નથી.
આ સમયે દિલ્હીમાં ચોમાસાનો પવન ફૂંકાતો હોવો જોઇએ. પરંતુ, ચોમાસાની ઋતુમાં પૂર્વને બદલે પશ્ચિમથી પવન ફૂંકાતા લોકોને ભારે હાલાકીનો સામનો કરવો પડ્યો હતો. મંગળવારે સવારથી જ દિલ્હીના મોટાભાગના ભાગોમાં સૂર્ય તેજસ્વી રહ્યો હતો. જેમ જેમ દિવસ વધતો ગયો તેમ તેમ સૂર્ય તેજસ્વી થતા ગરમી વધતી ગઈ હતી. વિતેલી બપોર દિલ્હીના લોકો માટે આકરી સાબિત થઈ હતી.
દિલ્હીના સફદરજંગ હવામાન કેન્દ્રમાં દિવસનું મહત્તમ તાપમાન 43 ડિગ્રી સેલ્સિયસ નોંધાયું હતું, જે સામાન્ય કરતા છ ડિગ્રી વધારે છે. જ્યારે લઘુત્તમ તાપમાન 27.4 ડિગ્રી સેલ્સિયસ હતું, જે સામાન્ય કરતાં એક ડિગ્રી નીચે છે.દિલ્હીના અનેક સ્થળોએ તાપમાનનો પારો પણ 44 ડિગ્રીને પાર કરી ગયો હતો. દિવસ દરમિયાન દિલ્હીનો નજફગઢ વિસ્તાર સૌથી ગરમરહ્યો હતો. અહીંનું તાપમાન 44.4 ડિગ્રી નોંધાયું હતું. જ્યારે મંગેશપુર, પુસા અને પિતામપુરા હવામાન મથકોમાં મહત્તમ તાપમાન 44.3 ડિગ્રી નોંધાયું હતું.
સતત પશ્ચિમી ખલેલને કારણે મે મહિનો આ સમયે પ્રમાણમાં ઓછો રહ્યો હતો. જ્યારે, જૂન મહિનાના પ્રારંભિક દિવસોમાં પણ ઓછી ગરમી જોવા મળી હતી. પરંતુ, ચોમાસામાં મોડું થતાં હવે વધુ ગરમીનો સામનો કરવો પડી રહ્યો છે. આ સિઝનમાં અત્યાર સુધી માત્ર બે વખત એટલે કે 28 એપ્રિલ અને 10 મે ના રોજ તાપમાન 42.2 ડિગ્રી સેલ્સિયસ સુધી પહોંચી ગયું છે. જ્યારે આજે પારો 43 ડિગ્રી સેલ્સિયસ રહ્યો હતો. આમ તે મોસમનો સૌથી ગરમ દિવસ નોંધાયો હતો.જે છેલ્લા 11 વર્ષ પછી નોંધાયો છે.
