- અફઘાનિસ્તાનમાંથી અમેરિકન સૈન્યની ઘરવાપસી
- અમેરિકાના સેનાની વાપસી બાદ તાલિબાનોએ ફરી હુમલા ચાલુ કર્યા
- અનેક વિસ્તારોમાં નાકાબંધી કરી
નવી દિલ્હી: અફઘાનિસ્તાનમાંથી તાલિબાન સૈનિકોની ઘર વાપસી હવે થઇ ચૂકી છે. અધિકારીઓએ ખાતરી આપી છે કે, અમેરિકન સૈનિકોએ અહીંના વિશાળ બગરામ એર બેઝ છોડી દીધો છે. બગરામ આશારે 20 વર્ષથી અમેરિકાના અફઘાનિસ્તાનમાં યુદ્વ માટે ઉપયોગમાં લેવાતું પ્રાથમિક સેના છાવણી હતી. જો કે અમેરિકન સૈન્યની વાપસી સાથે જ તાલિબાનીઓ અફઘાનિસ્તાન પર બમણી તાકાતથી હુમલો કરી રહ્યા છે.
બગરામ એર બેઝ છોડવાથી એ પૂરવાર થઇ ગયું છે કે અમેરિકા તેના સૌથી લાંબા યુદ્ધનો અંત આણ્યો છે. આ બેઝ અફઘાનિસ્તાનના સુરક્ષા દળોના હાથમાં હતો. જોકે એનો અર્થ એ નથી કે ત્યાં અમેરિકન સૈનિકોની વાપસી પૂર્ણ થઇ ગઇ છે. હાલમાં પણ અમેરિકાની સેનાના કમાન્ડર્સ, આર્મી જનરલ સ્કોટ મિલર અફઘાનમાં સુરક્ષા દળોની રક્ષા માટે તૈનાત છે. આ વિશેની જાણકારી અફઘાન અધિકારીઓ દ્વારા આપવામાં આવી હતી.
આ અંગે રિપોર્ટમાં કહેવામાં આવ્યું છે કે, અમેરિકાની સેનાએ જાહેર નથી કર્યું કે અહીંથી અમેરિકન સૈનિકો ક્યારે પેક એપ કરશે અને અમેરિકા માટે રવાના થશે. રિપોર્ટ મુજબ હજુ પણ કેટલાક કામ અધુરા છે. જોકે તાલિબાને બગરામ સોંપવાની જાહેરાતનું સ્વાગત કર્યું હતું. તાલિબાનના એક પ્રવક્તાનું કહેવું હતું કે હવે આશા છે કે અમારી ધરતી પર વિદેશી સૈનિક નથી. બગરામ એરફિલ્ડ અફઘાનિસ્તાનમાં અમેરિકાન સેનાનું શક્તિ કેન્દ્ર હતું, જે કાબુલના ઉત્તરમાં એક કલાકના અંતરે વિસ્ફોટો અને વાડની દિવાલો પછી એક વિશાળ મિની શહેર હતું.
આ એરબેઝ શરુમાં 9/11 હુમલાનો બદલો લેવાનું અમેરિકન મિશન અને તાલિબાન સાથે આગામી યુદ્ધના માધ્યમથી સંઘર્ષનું પ્રતિક હતું. અમેરિકન અધિકારીઓનું કહેવું છે કે, અમેરિકાના સૈનિકો પૂર્ણ રીતે ઘર વાપસી 4 જુલાઇ સુધી પૂરી કરી લે એવી સંભાવના છે. અફઘાની સેના ત્યારે તાલિબાન વિરુદ્ધ તેની લડાઇના ભાગરુપે બગરામનો કબજો લેશે.
હવે દેશમાં હજારો લોકોન ડર છે કે અરાજકતાનો નવો વિસ્ફોટ થશે. અહીં હજારો અનુવાદક ચિંતામાં સરી પડ્યા છે, કારણ કે અત્યાર સુધી તેઓને અમેરિકામાં વિશેષ અપ્રવાસી Visa મળ્યા નથી.
