ટીવી એક્ટ્રેસ અને હિતેન તેજવાનીની પત્નિ ગૌરવી પ્રધાનનો આજે જન્મદિવસ – જાણો કઈ રીતે શરુ થઈ હતી બન્નેની વલ સ્ટોરી

• ગૌરી પ્રધાનનો આજે બર્થડે
• હિતેન તેજવાની સાથે વિવાહીત જીવન જીવે છે ગૌરી
• ટિવી શોનું જાણીતું નામ છે ગૌરી પ્રધાન

મુંબઈઃ-ટેલિવિઝન અભિનેત્રી ગૌરી પ્રધાનનો આજે એટલે કે 16 સપ્ટેમ્બરના રોજ પોતાનો 44 મો જન્મદિવસ સેલિબ્રેટ કરી રહી છે. ગૌરી પ્રધાન અને હિતેન તેજવાની ટીવીના મોસ્ટ લવેબલ કપલમાંથી એક ગણાય છે.અભિનેત્રી ગૌરી પ્રધાન ટીવી જગતમાં એક જાણીતું નામ છે. એક સમય હતો જ્યારે તેની રિયલ લાઇફ લવ સ્ટોરી ટીવી કરતા વધારે હેડલાઇન્સમાં હતી. ગૌરીએ તેની ‘રીલ ટુ રિયલ લાઈફ’ પાર્ટનર હિતેન તેજવાની સાથે લગ્ન કર્યા હતા. આ જોડીને જોયા બાદ લોકો ‘મેડ ફોરઈચ અધર’ની લાગણી અનુભવે છે. 

ટીવી શો ‘કુટુમ્બ’, ‘ક્યુંકી સાસ ભી કભી બહુ થી’ તેમજ રિયાલિટી ડાન્સ શો ‘નચ બલિયે’માં બંનેની જોરદાર કેમેસ્ટ્રી જોવા મળી હતી. હિતેન હજુ પણ ટીવી પર લોકોની પહેલી પસંદ છે. પરંતુ ગૌરીએ તેના જોડિયા બાળકોની સંભાળને લઈને લાંબા સમયથી ટીવીથી દૂરી બનાવી લીધી છે. પરંતુ તાજેતરના સમયમાં તેણે ટીવી પર પુનરાગમન કર્યું છે. તે જ સમયે, થોડા લોકો જાણે છે કે હિતેન-ગૌરીની લવ સ્ટોરી કોઈ ફિલ્મથી ઓછી નથી. ચા

ગૈરી પ્રધાન હિતેન તેજવાનીની સેકન્ડ વાઈફ

ગૌરી પ્રધાન સાથે લગ્ન કરતા પહેલા હિતેનના લગ્ન થઈ ચૂક્યા હતા. હિતેન તેજવાનીએ નાના પડદે એન્ટ્રી કરી ત્યારે તેના લગ્ન થયા હતા. હિતેન તેની પત્નીને સમય ન આપી શક્યો. તેના પરિવારની ઈચ્છાથી તેના લગ્ન થયા હતા. તેથી 2001 માં હિતેને તેની પત્નીથી છૂટાછેડા લેવા પડ્યા. લગ્નની નિષ્ફળતાની જવાબદારી પણ તેણે પોતે લીધી હતી. આ લગ્ન માત્ર 11 મહિનામાં તૂટી ગયા હતા.

વર્ષ 1999 માં, જ્યારે હિતેન એક જાહેરાત ફિલ્મના શૂટિંગ માટે બેંગ્લોર જઈ રહ્યો હતો, ત્યારે તેણે એરપોર્ટ પર પહેલી વાર ગૌરી પ્રધાનને જોઈ હતી, ગૌરી તે સમયની ઉભરતી ટીવી અભિનેત્રી પણ હતી. બંને વચ્ચે ઔપચારિક મુલાકાત થઈ હતી. આ પછી, તેઓ વર્ષ 2002 માં ફરી એક સાબુની જાહેરાતમાં મળ્યા. જાહેરાત દરમિયાન ગૌરી સેટ પર ખૂબ જ શાંત રહેતી અને પુસ્તકો વાંચતી. ગૌરીને આ રીતે જોઈને, હિતેન તેની સાથે વાત કરવાની હિંમત પણ નહોતો કરતો,હિતેનને ગૌરી ખૂબ ગમવા લાગી હતી જો કે તને આ વાત કહેવાની હિમ્મત નહોતી.

હિતેન અને ગૌરીને ટીવી પર સૌથી લોકપ્રિય ટીવી સિરિયલ ‘કુટુમ્બ’માં મુખ્ય ભૂમિકા મળી, આ બંનેની ત્રીજી મુલાકાત હતી. પણ ગૌરીને હિતેન બિલકુલ પસંદ નહોતો, કારણ કે હિતેન ઘણી વાતો કરતો હતો. પરંતુ જેમ જેમ દિવસો પસાર થતા ગયા તેમ તેમ બંને વચ્ચે મિત્રતા થઇ અને બંનેએ એકબીજાને પોતાનું દિલ આપ્યું. આ દરમિયાન સેટ પર બહુ ઓછા લોકોને ખબર હતી કે હિતેન પરણિત છે. પણ હિતેને આ વાત ગૌરીથી છુપાવી નહોતી.અને પરિણામે બન્નેએ લગ્ન કરવાન નિર્ણય લીધો.

આ કપલ પહેલા 2 વર્ષ સુધી લિવઈન રિલેશનશીપ માં રહ્યા હતા ત્યાર બાદ વર્ષ 2004મા એકબીજા સાથે લગ્ન કરી લીધા,વર્ષ 2009મા તેણે જુડવા બાળકોને જન્મ આપ્યો આજે આ કપલ ખુશખુશાલ જીવન જીવી રહ્યા છે, હિતેન આજે પણટીવી સાથે જોડાયેલો છે જો કે બાળકોની જવાબદારીને લઈને ગૌરી ઓછી જોવા મળે છે.