મેગા ટેક્સટાઇલ પાર્કની સ્થાપના માટે મળી લીલી ઝંડી, લાખો લોકો માટે થશે રોજગારીનું સર્જન

• મેગા ટેક્સટાઇલ પાર્કની સ્થાપના માટે મંજૂરી
• તેનાથી લાખો લોકોને રોજગારી મળશે
• ટેક્સટાઇલ મેગા પાર્ક પર અંદાજે 4000 કરોડ રૂપિયા ખર્ચ કરી શકાય છે

નવી દિલ્હી: ભારત કાપડ ક્ષેત્રે પણ અગ્રેસર છે. કાપડ ઉદ્યોગ ક્ષેત્રે સમગ્ર વિશ્વમાં ભારત છઠ્ઠો સૌથી મોટો નિકાસકાર દેશ છે. તેને વધારવા તેમજ રોજગારીની નવી તકો ઉભી કરવાના હેતુસર કેન્દ્ર સરકારે મેગા ટેક્સટાઇલ પાર્ક બનાવવાના પ્રસ્તાવને લીલી ઝંડી આપી છે. સૂત્રોનુસાર ટેક્સટાઇલ મેગા પાર્ક પર અંદાજે 4000 કરોડ રૂપિયા ખર્ચ કરી શકાય છે.

ટેક્સટાઇલ પાર્ક સ્થાપવાની જાહેરાત બાદ ટેક્સટાઇલ બિઝનેસ સાથે સંકળાયેલી કંપનીઓના શેર્સમાં ઉછાળો જોવા મળ્યો હતો. સામાન્યપણે ટેક્સટાઇલ ક્ષેત્રે મહિલાઓને ઘણી રોજગારી પ્રાપ્ત થઇ છે. PLI સ્કીમને કારણે મહિલાઓની રોજગારીને પ્રોત્સાહન મળશે અને ગુજરાત, મહારાષ્ટ્ર, ઉત્તર પ્રદેશ, તામિલનાડુ, પંજાબ, ઓરિસ્સા જેવા રાજ્યોને આ યોજાનાથી લાભ મળશે.

કાપડની નિકાસ ક્ષેત્રે, ભારતનો નંબર સમગ્ર વિશ્વમાં છઠ્ઠો આવે છે. ટેક્સટાઇલ પાર્ક દ્વારા આ ક્ષેત્રમાં નિકાસ વધારવાની તૈયારીઓ ચાલી રહી છે. એટલા માટે સરકાર ઈન્ટિગ્રેટેડ ટેક્સટાઈલ પાર્ક બનાવી રહી છે. જો સરળ શબ્દોમાં કહીએ તો, આ અંતર્ગત, ઘણા ફેક્ટરી યુનિટ્સ એક જગ્યાએ સ્થાપિત થાય છે. કાપડ ઉદ્યોગ સાથે સંબંધિત તમામ મૂળભૂત વસ્તુઓ જેવી કે ઉત્પાદન, બજાર જોડાણ માટેની સુવિધાઓ ઉપલબ્ધ છે. સરકાર આંતરરાષ્ટ્રીય ધોરણોને ધ્યાનમાં રાખીને તેનો વિકાસ કરે છે.

મહત્વનું છે કે, ટેક્સટાઇલ પાર્કનો ઉદ્દેશ ટેક્સટાઇલ ક્ષેત્રે મોટા પાયે રોકાણ લાવવાનો છે. આ ઉદ્યાનોમાં કાપડ ઉદ્યોગ માટે સંકલિત સુવિધાઓ છે. આ સાથે, પરિવહનમાં નુકશાન ઘટાડવા માટે એક વ્યવસ્થા છે. આમાં આધુનિક ઇન્ફ્રાસ્ટ્રક્ચર, સામાન્ય સુવિધાઓ ઉપરાંત સંશોધન અને વિકાસ પ્રયોગશાળાઓ છે. થ્રેડ મેકિંગ, ફેબ્રિક ડાઇંગ, સીવણ વગેરેથી લઇને તેમના પેકિંગ અને ટ્રાન્સપોર્ટેશન સુધી લોકોની મોટા પાયે આવશ્યકતા છે. આ સ્થિતિમાં ટેક્સટાઇલ પાર્ક વ્યાપકપણે રોજગારીનું સર્જન કરશે.