સિદ્ધાર્થ મલ્હોત્રાની મોસ્ટ અવોઈટેડ ફિલ્મ ‘મિશન મજનૂ’ આવતા વર્ષે આ દિવસે થશે રિલીઝ
- સિદ્ધાર્થ મલ્હોત્રાની ફિલ્મ ‘મિશન મજનૂ’
- વર્ષ 2022 મે મહિનામાં આ ફિલ્મ થશે રિલીઝ
મુંબઈઃ- બોલિવૂડ એક્ટર સિદ્ધાર્થ મલ્હોત્રાએ તેની આગામી ફિલ્મ ‘મિશન મજનૂ’નો પોતાનો લુક સોશિયલ મીડિયા પર શેર કર્યો છે. આ સાથે તેમણે પોતાના ચાહકોને માહિતી પણ આપી છે કે ‘મિશન મંજુ’ ક્યારે અને ક્યાં રીલિઝ થવાની છે. ઉલ્લેખનીય છે કે સાઉથની ફિલ્મોની સ્ટાર રશ્મિકા મંદન્ના આ આગામી ફિલ્મથી બોલિવૂડમાં ડેબ્યૂ કરવા જઈ રહી છે. આ ફિલ્મ એક સત્ય ઘટના પર આધારિત ફિલ્મ છે.
ફિલ્મની રિલીઝની ઘોષણા કરતા, સિદ્ધાર્થ મલ્હોત્રાએ લખ્યું – પાકિસ્તાનની ગેરકાયદેસર પરમાણુ મહત્વાકાંક્ષાઓને પાટા પરથી ઉતારી દેનારા ભારતના સૌથી મોટા ગુપ્ત ઓપરેશનની વાસ્તવિક ઘટનાઓથી પ્રેરિત, #MissionMajnu તમારા નજીકના સિનેમા હોલમાં 13મી મે 2022ના રોજ રિલીઝ થઈ રહી છે. પોસ્ટરના લુકમાં સિદ્ધાર્થ એક રૂમમાં બેસીને ફોન પર કોઈની સાથે વાત કરતો જોવા મળે છે.
Get ready to be a part of India’s greatest covert operation that derailed Pakistan’s illicit Nuclear Ambitions!
Inspired by real events, #MissionMajnu releasing on 13th May 2022 in a cinema near you🍿🎬@iamRashmika @RonnieScrewvala @amarbutala @RSVPMovies @GBAMedia_Off pic.twitter.com/Hz6pCOL8W5— Sidharth Malhotra (@SidMalhotra) November 2, 2021
આ પોસ્ટરમાં સિદ્ધાર્થ મલ્હોત્રા 70ના દાયકાના લુકમાં જોવા મળી રહ્યો છે. ઉલ્લેખનીય છે કે આ પીરિયડ થ્રિલરમાં સિદ્ધાર્થ મલ્હોત્રા RAW એજન્ટની ભૂમિકામાં જોવા મળશે, જે મિશનનું નેતૃત્વ કરતો જોવા મળશે. મંદાના પણ આ ફિલ્મમાં સિક્રેટ એજન્ટની ભૂમિકા ભજવી રહી છે. આ ફિલ્મનું નિર્દેશન પુરસ્કાર વિજેતા એડ ફિલ્મ નિર્માતા શાંતનુ બાગચી દ્વારા કરવામાં આવી રહ્યું છે, જેઓ આ ફિલ્મથી દિગ્દર્શક તરીકેની શરૂઆત કરશે.
