સદીનું સૌથી લાંબુ અને વર્ષનું બીજું ચંદ્રગ્રહણ અને 19 નવેમ્બરે ભારતમાં દેખાશે

• સદીનું સૌથી લાંબુ ચંદ્રગ્રહણ  19 નવેમ્બરે ભારતમાં દેખાશે 
• આ ચંદ્ર ગ્રહણ આ વર્ષનું બીજુ ગ્રહણ હશે

દિલ્હીઃ-અમેરિકાની સ્પેસ એજન્સી નાસાએ જણાવ્યું હતું  કે સદીનું સૌથી લાંબુ ચંદ્રગ્રહણ 19 નવેમ્બર, શુક્રવાર અને કાર્તિક પૂર્ણિમાના રોજ થશે. આ અવસર પર પૃથ્વી સૂર્ય અને ચંદ્રની વચ્ચેથી પસાર થશે,આ ગ્રહણ બપોરે 1.30 વાગ્યા પછી તેની ચરમસીમા પર પહોંચેલું જોવા મળશે.

આ સમય દરમિયાન પૃથ્વી આખા ચંદ્રને સૂર્યના કિરણોથી ઢાંકી દેશે. ખગોળશાસ્ત્રીઓના મત મુજબ આ દરમિયાન ચંદ્રનો રંગ લાલ હશે, જે ભારતમાં પણ જોઈ શકાશે. આ પહેલા 26 મેના રોજ ચંદ્રગ્રહણ થયું હતું. ચંદ્રગ્રહણના દર્શનને લઈને દેશના અનેક નક્ષત્રોમાં મોટી તૈયારીઓ કરવામાં આવી છે.

નાસાના વૈજ્ઞાનિકો અને ખગોળશાસ્ત્રીઓનું કહેવું છે કે સદીનું સૌથી લાંબુ ચંદ્રગ્રહણ ત્રણ કલાક 28 મિનિટ અને 23 સેકન્ડનું હશે. વૈજ્ઞાનિકોના મતે 2001 થી 2021 વચ્ચે આવી ઘટના પહેલીવાર બનશે. નાસા અનુસાર, 21મી સદીમાં પૃથ્વી 228 ચંદ્રગ્રહણની સાક્ષી બનશે. એક મહિનામાં બે અને ત્રણ ચંદ્રગ્રહણ પણ જોઈ શકાશે.

ઉલ્લેખનીય છે કે આ વર્ષે બે ચંદ્રગ્રહણ થવાના છે, જેમાંથી એક ચંદ્રગ્રહણ 26 મેના રોજ થયું છે. હવે આ મહિનામાં વર્ષનું બીજું અને છેલ્લું ચંદ્રગ્રહણ છે. આ વર્ષમાં કુલ ચાર ગ્રહણ છે જેમાં બે ચંદ્રગ્રહણ અને બે સૂર્યગ્રહણનો સમાવેશ થાય છે. વર્ષનું છેલ્લું સૂર્યગ્રહણ આવતા મહિને 4 ડિસેમ્બરે થશે.

વૈજ્ઞાનિકોના મતે ચંદ્ર એ જ સ્થાનો પર દેખાશે જ્યાં તે ક્ષિતિજની ઉપર હશે. ભારતના પૂર્વોત્તર રાજ્યો આસામ, અરુણાચલ પ્રદેશના લોકો આ અવકાશી ઘટનાને જોઈ શકશે. તેવી જ રીતે ઉત્તર અમેરિકાના લોકો પણ સદીના સૌથી લાંબા ગ્રહણના સાક્ષી બનશે. મેક્સિકો, ઓસ્ટ્રેલિયા, પૂર્વ એશિયા અને ઉત્તર યુરોપના લોકો પણ ચંદ્રગ્રહણના સાક્ષી બનશે.