- સલમાન ખાનની આજની પેઢીને નસિહત
- 50ની ઉમંરે અમે કામ કરીએ છે તમે પણ કરો
મુંબઈઃ- બોલિવૂડ સુપર સ્ટાર સલમાન ખાન હંમેશા ચર્ચામાં અને સમાચારોની હેડલાઈનમાં હોય છે પોતાની ફિટનેસ અને આટલી ઉંમરે પણ સતત કામ કરવાની તેમની આદતથી તેમના ફેન્સ ખૂબ ઈમ્પ્રેસ છે,ત્યારે હવે એક મીડિયા સાથેની વાતચીતને લઈને સલમાન ખાન હેડલાઈનમાં આવ્યો છે,તેણે સ્ટારડમ વિશે પોતાની પ્રતિક્રિયા આપી છે, તેમણે કહ્યું કે આજની પેઢીઓએ પણ અમારા જેમ મહેનત કરવી જોઈએ
આટીટી પ્લેટફોર્મની વધતી જતી લોકપ્રિયતા સાથે, તે કલાકારોની પ્રતિભા જેમની સ્ટાર વેલ્યુ દર્શકોમાં ઓછી માનવામાં આવતી હતી તેમને પણ દર્શકોમાં એક સામાન્ય સ્થાન મળ્યું છે. એવી પણ ચર્ચા થઈ રહી છે કે આ OTT કલાકારોની વધતી જતી ફેન ફોલોઈંગને કારણે ફિલ્મ ઈન્ડસ્ટ્રીના કલાકારોનું સ્ટારડમ સમયની સાથે ઝાંખું થઈ જશે.
આ દરમિયાન સુપરસ્ટાર સલમાન ખાને સ્ટારડમ વિશે પોતાની પ્રતિક્રિયા આપી છે.મીડિયા સાથેની વાતચીત દરમિયાન એક સવાલના જવાબમાં સલમાને કહ્યું કે મને નથી લાગતું કે સ્ટાર્સનો યુગ ક્યારેય ખતમ થશે…અમે જઈશું તો કોી બીજુ આવશે. તે આ રીતે ચાલુ રહેશે. આ ક્યારેય સમાપ્ત થશે નહીં. તે હંમેશા રહેશે. હવે સ્ટારડમ ઘણી બાબતો પર નિર્ભર કરશે, જેમ કે ફિલ્મોની પસંદગી કેવી છે, વાસ્તવિક જીવનમાં તમે કેવા છો વગેરે. હવે આ ઘણી વસ્તુઓનું પેકેજ હશે. હવે નવી પેઢી પાસે પોતાનું સુપર સ્ટારડમ હશે.
સલમાને કહ્યું કે હું ઘણા વર્ષોથી સાંભળતો આવ્યો છું કે આ હવે છેલ્લી પેઢી છે, જો કે અમે નવી પેઢી માટે બધું એટલું સરળ નથી છોડવાના. અમે તેમને બધું જ સોંપી દેવાના તો નથી. મહેનત કરો ભાઈ, 50 વર્ષની ઉંમરે અમે સખત મહેનત કરીએ છીએ, તો તમારે પણ મહેનત કરવી જોઈએ.
ઉલ્લેખનીય છે કે હાલમાં સલમાન ખાન બિગ બોસ સીઝન 15 ના હોસ્ટ તરીકે જોવા મળી રહ્યો છે. આ સાથે તે તેની આગામી ફિલ્મ ‘અંતિમઃ ધ ફાઈનલ ટ્રુથ’ની રિલીઝની પણ તૈયારી કરી રહ્યો છે. આમાં તે પોલીસ ઓફિસરની ભૂમિકામાં જોવા મળશે.
