દુનિયાના સૌથી મોટા જંગલથી જોડાયેલી એવી વાત,જાણીને હેરાન થઇ જશો
- દુનિયાનું સૌથી મોટું જંગલ એમેઝોનનું
- આ જંગલથી જોડાયેલ ઘણી એવી વાતો
- તેના રહસ્યો જાણીને થઇ જશો હેરાન
આ ધરતી પર ઘણા જંગલો છે, પરંતુ આજની બદલાતી દુનિયામાં જંગલોનો ઝડપથી નાશ થઈ રહ્યો છે અને તેની જગ્યાએ મોટી મોટી ઈમારતો બનાવવામાં આવી રહી છે, જેના કારણે ધરતી પર સતત ખતરો છે. તેમ છતાં, જંગલોની કોઈ અછત નથી. ઘણા એટલા વિશાળ અને ખતરનાક હોય છે કે જો કોઈ વ્યક્તિ તેમાં પ્રવેશ કરે છે, તો તેને બહાર નીકળવામાં ઘણા દિવસો લાગી શકે છે અને તમે વિવિધ પ્રકારના પ્રાણીઓનો શિકાર પણ થઈ શકો છો. આવું જ એક જંગલ છે એમેઝોન, જેને વિશ્વનું સૌથી મોટું જંગલ કહેવામાં આવે છે. તેને ‘વર્ષા વન’ પણ કહેવામાં આવે છે. આ જંગલ સાથે જોડાયેલી ઘણી એવી વસ્તુઓ છે જે લોકોને આશ્ચર્યચકિત કરી દે છે.તો આવો જાણીએ આ આશ્ચર્યજનક રહસ્યો વિશે…
આ જંગલને ‘પૃથ્વીનું ફેફસાં’ પણ કહેવામાં આવે છે અને તેનું કારણ એ છે કે પૃથ્વીના કુલ ઓક્સિજનનો લગભગ 20 ટકા આ જંગલમાંથી મળે છે. તમને જાણીને નવાઈ લાગશે કે,ભેજ ધરાવતું આ વિશાળ જંગલ કુલ 7 મિલિયન ચોરસ કિલોમીટર એટલે કે 1.7 અબજ એકરમાં ફેલાયેલું છે. તમે તેની વિશાળતાનો અંદાજ એ વાત પરથી પણ લગાવી શકો છો કે આ એકલવાયું જંગલ કુલ 9 દેશોની સરહદોને સ્પર્શે છે.
આ જંગલ જેટલું સુંદર લાગે છે એટલું જ રહસ્યમય પણ છે. કહેવાય છે કે,આ જંગલમાં પ્રવેશ્યા પછી જો કોઈ રસ્તો ભટકી જાય તો બહાર નીકળવું અશક્ય બની જાય છે. તમને જાણીને નવાઈ લાગશે કે આ વિશાળ જંગલમાં 16 હજારથી વધુ પ્રજાતિના વૃક્ષો અને છોડ છે, જ્યારે 25 લાખથી વધુ પ્રજાતિના જંતુઓ પણ અહીં જોવા મળે છે. કહેવાય છે કે,આમાં કેટલાક એવા જીવજંતુ હોય છે જે કરડવાથી વ્યક્તિનું એક જ ક્ષણમાં મોત થઈ શકે છે.
તમે એનાકોન્ડા વિશે સાંભળ્યું જ હશે. આ વિશાળકાય સાપ છે, જે એમેઝોનના જંગલોમાં આવેલી નદીમાં વધુ જોવા મળે છે. આ ઉપરાંત પીરાન્હા જેવી ખતરનાક માછલીઓ અને વીજળી ઉત્પન્ન કરતી માછલીઓ પણ આ નદીઓમાં જોવા મળે છે. સાથે જ આ જંગલમાં અનેક પ્રકારના જીવલેણ રોગો ફેલાવતા વેમ્પાયર ચામાચીડિયા પણ જોવા મળે છે, એટલે કે એકંદરે આ જંગલ એક ખતરનાક જગ્યા છે, જ્યાં જવું મોતને ભેટવા જેવું છે.
જો કે એવું નથી કે આ જંગલમાં માણસો રહેતા નથી, પરંતુ અહીં 500 થી વધુ આદિવાસી પ્રજાતિઓ રહે છે.તમને જાણીને નવાઈ લાગશે કે,આમાંથી 50 ટકા પ્રજાતિઓ એવી છે કે તેનો બહારની દુનિયા સાથે કોઈ સંપર્ક નથી અને કેટલીક એવી પણ છે જે બહારની દુનિયાના લોકોને જોતા જ મારી નાખે છે.
