- દિલ્હીની હવા બની ઝેરી
- આજે AQI 328 નોંધાયો
દિલ્હી:સિસ્ટમ ઓફ વેધર ફોરકાસ્ટિંગ એન્ડ રિસર્ચ અનુસાર, દિલ્હીમાં એર ક્વોલિટી ઈન્ડેક્સ હાલમાં ‘ખૂબ જ ખરાબ’ શ્રેણીમાં 328 છે. હવામાન વિભાગ અનુસાર, મંગળવારે આંશિક વાદળછાયું આકાશ અને હળવા ધુમ્મસની આગાહી છે. મહત્તમ તાપમાન 23 ડિગ્રી સેલ્સિયસ અને લઘુત્તમ તાપમાન 6 ડિગ્રી સેલ્સિયસની આસપાસ રહેવાની ધારણા છે.
આ દરમિયાન સોમવારે સાંજે 4 વાગ્યે દિલ્હીનો 24 કલાકનો હવા ગુણવત્તા સૂચકાંક 331 નોંધાયો હતો. તે ‘ખૂબ ખરાબ’ શ્રેણીમાં આવે છે. પડોશી વિસ્તારોમાં હવા ગુણવત્તા સૂચકાંક ફરિદાબાદ 317 પર, ગાઝિયાબાદ 310 પર અને નોઈડા 321 પર હતો, જે ખૂબ જ ખરાબ શ્રેણીમાં આવે છે. ગ્રેટર નોઈડા (272) અને ગુરુગ્રામ (253)માં હવાની ગુણવત્તા સૂચકાંક ખરાબ શ્રેણીમાં રહ્યો.
એર ક્વોલિટી ઈન્ડેક્સ (AQI) શૂન્ય અને 50 વચ્ચે ‘સારા’, 51 અને 100 ‘સંતોષકારક’, 101 અને 200 ‘મધ્યમ’, 201 અને 300 ‘ખરાબ’, 301 અને 400 ‘ખૂબ જ ખરાબ’ અને 401 અને 500 ની વચ્ચે ગંભીર શ્રેણીમાં ગણવામાં આવે છે.
