શિયાળામાં પીવો મસાલાવાળી ચા,જાણો તેના સ્વાસ્થ્ય લાભ
- શિયાળામાં પીવો મસાલાવાળી ચા
- સ્વાસ્થ્ય માટે ખૂબ જ ફાયદાકારક
- મસાલા ચા વજનમાં કરે છે ઘટાડો
નિષ્ણાતોનું માનવું છે કે શિયાળામાં એક કપ મસાલાવાળી ચાનું સેવન સ્વાસ્થ્ય માટે ફાયદાકારક સાબિત થઈ શકે છે.તમે થોડા મસાલા અને જડીબુટ્ટીઓ ઉમેરીને તમારી નિયમિત ચાને હેલ્ધી મિશ્રણ બનાવી શકો છો.
શિયાળામાં શરીરને ગરમ રાખવાનો આ સૌથી સરળ ઉપાય છે. ઠંડા હવામાનમાં આ એક ઉત્તમ પીણું વિકલ્પ છે. આવો જાણીએ મસાલાવાળી ચાના ફાયદા.
સવારે એક કપ ગરમ મસાલાવાળી ચા પીવાથી તમારા શરીરને જરૂરી હૂંફ મળી શકે છે. તજ, લવિંગ, એલચી, જાયફળ, કેસર, આદુ જેવા મસાલા શરીરને પૂરતી ગરમી આપે છે. તે મેટાબોલીઝમ અને રોગપ્રતિકારક શક્તિને પણ વધારે છે. હેલ્થ એક્સપર્ટના મતે સવારે વહેલા ઉઠીને અને જમ્યા પછી મસાલેદાર ચાનો સમાવેશ કરવાની સલાહ આપવામાં આવે છે. તે ભારે ચરબીયુક્ત ખોરાક લીધા પછી પાચનને સુધારવામાં મદદ કરે છે.
ઈમ્યુનિટી માટે ફાયદાકારક :ચામાં જાયફળ, તજ, એલચી અથવા સૂકા આદુ જેવા મસાલા અને ઔષધો ઉમેરવાથી રોગપ્રતિકારક શક્તિ વધારવામાં મદદ મળી શકે છે. તે ફ્લૂ, તાવ, મોસમી એલર્જીને દૂર કરે છે. મસાલામાં એન્ટીઑકિસડન્ટની હાજરી રોગપ્રતિકારક શક્તિ વધારવામાં મદદ કરે છે.
એનર્જી બૂસ્ટર :ચામાં મસાલા ઉમેરવાથી માત્ર આકર્ષક સુગંધ જ નથી મળતી પણ તે ઊર્જા મેળવવામાં પણ મદદ કરી શકે છે. તે પાચન માટે ખૂબ જ ફાયદાકારક છે અને ઝેરી તત્વોને બહાર કાઢવામાં મદદ કરે છે. તેનાથી એનર્જી લેવલ વધે છે.
વજન ઘટાડવા માટે :ચામાં મસાલો ભેળવીને સવારે ઉઠીને પીવાથી વજન ઓછું થાય છે.વરિયાળી, લવિંગ, તજ અને જાયફળ જેવા મસાલા વજન ઘટાડવાની પ્રક્રિયાને ઝડપી બનાવવામાં મદદ કરી શકે છે. ઉપરાંત, આ મસાલા ચરબી બર્ન કરવામાં અને ભૂખ ઘટાડવામાં મદદ કરે છે. આ ઉપરાંત, મસાલા અને જડીબુટ્ટીઓ પણ હૃદયના સ્વાસ્થ્યને સુધારવામાં મદદ કરી શકે છે.
એંટી ઇન્ફલેમેટરી: ગુણ હળદર અને લવિંગ જેવા મસાલા બળતરા વિરોધી ગુણોથી ભરપૂર હોય છે, જે બળતરા સામે લડવામાં, પીડા અને ઘાને મટાડવામાં મદદ કરે છે. તે દર્દ નિવારક દવાઓના વિકલ્પ તરીકે કામ કરે છે.
