- વિશ્વમાં ઓમિક્રોનનો વધતો જતો કહેર
- અમેરિકામાં 2600 ફ્લાઇટ્સ રદ
- ખરાબ હવામાન અને કામદારોની અછત
દિલ્હી:વિશ્વભરમાં કોરોના વાયરસનું નવું સ્વરૂપ ઓમિક્રોન સામાન્ય જીવનને અસર કરી રહ્યું છે.આ કારણે શનિવાર સાંજ સુધીમાં અમેરિકામાં 2,600 થી વધુ અને વિશ્વમાં 4,000 થી વધુ ફ્લાઈટ્સ રદ કરવામાં આવી છે. ટ્રેકિંગ સર્વિસ ફલાઈટઅવેયર અનુસાર, આજે એટલે કે રવિવારે પણ રદ થયેલી ફ્લાઈટ્સની સંખ્યા 1000થી વધુ છે.ખરાબ હવામાન અને ઓમિક્રોનના કારણે સ્ટાફમાં ઘટાડો પણ આ ફ્લાઈટ્સ કેન્સલ થવાનું મુખ્ય કારણ છે.
સાઉથવેસ્ટ એરલાઈન્સે 472 ફ્લાઈટ્સ કેન્સલ કરવાનો અને 798 ફ્લાઈટ્સ સ્થગિત કરવાનો નિર્ણય લીધો છે. આ તેમની તમામ સુનિશ્ચિત ટ્રિપ્સનો એક તૃતીયાંશ છે. આ ઉપરાંત, સ્કાયવેસ્ટ ઈન્ટરનેશનલે 479 ફ્લાઈટ્સ કેન્સલ કરી અને 406 અન્ય ફ્લાઈટ્સ સ્થગિત કરી.આ તેમની તમામ સુનિશ્ચિત ફ્લાઇટ્સમાંથી 44% થી વધુ હિસ્સો ધરાવે છે.માહિતી અનુસાર, મુખ્ય એરલાઇન ડેલ્ટા એરલાઇન્સે તેની ફ્લાઇટ્સ 10% ઓછી કરી છે, જ્યારે યુનાઇટેડ એરલાઇન્સ હોલ્ડિંગ્સે 7% ઘટાડો કર્યો છે.
ફ્લાઈટ્સ પર દેખરેખ રાખતી ફ્લાઈટઅવેયરના જણાવ્યા અનુસાર,ઓમિક્રોનના વધતા પ્રકોપની વિશ્વ પર અસર પડી રહી છે. યુએસથી આવવા અને અહીંથી જવા લગભગ 1050 ફ્લાઇટ્સ રવિવાર માટે રદ કરવામાં આવી છે અને સોમવારે પણ 202 ફ્લાઇટ્સ રદ કરવામાં આવી છે.નેશનલ વેધર સર્વિસ મુજબ, ભારે બરફના તોફાનો દેશના મોટા ભાગોમાં મુસાફરીને વિક્ષેપિત કરે તેવી અપેક્ષા છે. એકંદરે, યુએસમાં કોરોના અને ઓમિક્રોનને કારણે નાતાલના આગલા દિવસેથી લગભગ 12,000 ફ્લાઇટ્સ પ્રભાવિત થઈ છે.
અમેરિકા અને બ્રિટન સહિત વિશ્વના ઘણા દેશોમાં ઓમિક્રોનના ખતરા વચ્ચે, કોરોનાના નવા પ્રકાર ઓમિક્રોનથી સંક્રમિત લોકોની સંખ્યા ઝડપથી વધી રહી છે. યુરોપ અને અમેરિકાના ઘણા રાજ્યોમાં કોરોનાના કેસ ફરી રેકોર્ડ સ્તરે પહોંચવા લાગ્યા છે.આ પછી સાવચેતીના ભાગરૂપે ઘણી ફ્લાઈટ્સ રદ કરવામાં આવી છે. એક અહેવાલમાં કહેવામાં આવ્યું છે કે,રજાઓ દરમિયાન મુસાફરી બંધ કરવાથી વ્યવસાયને નુકસાન થાય છે, પરંતુ ઓમિક્રોન વેરિયન્ટ્સને કારણે કોરોનાના કેસોમાં ઝડપથી વધારો થવાને કારણે સેંકડો ફ્લાઇટ્સ રદ કરવામાં આવી છે.
