આકાશમાં બે ઈન્ડિગોના વિમાન સામસામે અથડાતા રહી જતા દૂર્ઘટના ટળી – 400 યાત્રીઓના જીવ બચ્યા

• ઈન્ડિયો સાથે દૂરપ્ઘટના થતી ટળી
• સામસામે બે ફ્લાઈટ અથડાતા રહી ગઈ

બંગલુરુ – થોડા દિવસ પહેલા એક મોટી હોનારત ટળી છે, જો કે આ ઘટનાની જાણ વિતેલા દિવસે થઈ છે, વાત જાણે એમ છે કે  બેંગ્લુરુ એરપોર્ટ પર મોટી દુર્ઘટના થત થતા ટળી હતી. આ વાત છે 9 જાન્યુઆરીના રોજ સવારની જ્યારે એરપોર્ટ પર ટેકઓફ કર્યા પછી તરત જ, બે ઈન્ડિગો વિમાનો હવામાં અથડાતા બચી ગયા હતા. સત્તાવાર રીતે ન તો આ મામલે જાણકારી અપાઈ હતી ન તો કોઈને કઈ કહેવામાં આવ્યું હતું

આ મામલે ઉડ્ડયન નિયમનકાર DGCA ના વરિષ્ઠ અધિકારીઓએ જણાવ્યું હતું કે આ ઘટના કોઈ લોગબુકમાં રેકોર્ડ કરવામાં આવી નથી અને ન તો એરપોર્ટ ઓથોરિટી ઓફ ઈન્ડિયા દ્વારા તેની જાણ કરવામાં આવી હતી. રિપોર્ટ અનુસાર, બંને ફ્લાઈટમાં લગભગ 400 લોકો સવાર હતા.ઉલ્લેખનીય છે ક ેઆ ઘટના થતા અટકીજતા 400 યાત્રીઓના જીવ બચ્યા હતા, જો ઘટના બનતે તો તમામ યાત્રીઓના જીવ પર જોખમ હતું.

વિભાજન ઉલ્લંઘન ત્યારે થાય છે જ્યારે બે એરક્રાફ્ટ એરસ્પેસમાં લઘુત્તમ ફરજિયાત વર્ટિકલ અથવા હોરીઝોન્ટલ અંતરને ઓળંગે છે. અધિકારીઓએ જણાવ્યું હતું કે 9 જાન્યુઆરીની સવારે લગભગ પાંચ મિનિટના ગાળામાં બેંગ્લોર એરપોર્ટ પરથી બંને વિમાનોએ ઉડાન ભરી હતી. એક અધિકારીએ કહ્યું, ‘પ્રસ્થાન પછી બંને વિમાન એકબીજા તરફ આગળ વધી રહ્યા હતા. ‘એપ્રોચ રડાર કંટ્રોલર’ એ એક અલગ મથાળું સૂચવ્યું હતું, જેણે બે વિમાનો વચ્ચે મધ્ય-હવા અથડામણને ટાળી હતી.

ડિરેક્ટોરેટ જનરલ ઓફ સિવિલ એવિએશનના વડા અરુણ કુમારે જણાવ્યું હતું કે ઉડ્ડયન નિયમનકાર આ ઘટનાની તપાસ કરી રહ્યું છે અને દોષિતો સામે કડક કાર્યવાહી કરશે. આ મામલે હજુ સુધી ઈન્ડિગો અને AAI તરફથી કોઈ પ્રતિક્રિયા આપવામાં આવી નથી. DGCA અધિકારીઓએ જણાવ્યું હતું કે બે ઇન્ડિગો એરક્રાફ્ટ – 6E455 બેંગલુરુથી કોલકાતા જતું  અને 6E246 બેંગલુરુથી ભુવનેશ્વર જતાનો સમાવેશ થાય છે