બાળકો પર કોવિડની અસર ખૂબ જ ઓછી,હળવા લક્ષણો સાથે મૃત્યુદર પણ નહીવત – એઈમ્સનો દાવો
- વયસ્કો કતા બાળકો પર કોરોનાની અસર ઓછી
- મૃત્યુ દર પણ નહીવત
- એઈમ્સના ડોક્ટોએ આ બાબતે કર્યો અભ્યાસ
દિલ્હીઃ- કોરોનાની ત્રીજી લહેર ચાલી રહી છે જો કે રાહતની વાત એ છે કે બાળકો ઓછા સંક્રમિત થી રહ્યા છએ ત્યારે બાળકોને લઈને જિલ્હી સ્થિતિ એઈમ્સે દાવો કર્યો છે કે કોરોના સંક્રમણની અસર બાળકો કરતાં પુખ્ત વયના લોકો પર વધુ છે.
આ સાથે જ કહેવામાં આવ્યું છે કે બાળકોમાં મૃત્યુ દર ન તો ઊંચો છે અને તેઓમાં ગંભીર લક્ષણો પણ જોવા મળ્યા નથી ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સના ડોક્ટરો દ્વારા કરવામાં આવેલા અભ્યાસમાં આ વાત સામે આવી છે.
આ સ્ટડીમાં 12 થી 18 વર્ષની વયના 197 દર્દીઓ પર એક અભ્યાસ હાથ ધરવામાં આવ્યો હતો જેઓ પ્રથમ અને બીજા તરંગ દરમિયાન કોવિડ -19 ના ચેપને કારણે હોસ્પિટલમાં દાખલ થયા હતા.
અભ્યાસમાં જાણવા મળ્યું છે કે હોસ્પિટલમાં દાખલ કરાયેલા 84.6 ટકા કિશોરોમાં ખૂબ જ હળવા લક્ષણો જોવા મળ્યા , જ્યારે 9.1 ટકા કિશોરોમાં માં મધ્યમ અને 6.3 ટકા માં ગંભીર લક્ષણો જોવા મળ્યા. સૌથી સામાન્ય લક્ષણો તાવ અને ઉધરસ આ અભ્યાસમાં 14.9 ટકા લોકોએ અનુભવ્યું હતું.
જ્યારે 11.5 ટકા બાળકોને શરીરમાં દુખાવો હતો, જ્યારે 10.4 ટકા બાળકોને નબળાઈનો અનુભવ થયો હતો. માત્ર 6.2 ટકા બાળકો એવા લોકોના સંપર્કમાં આવ્યા હતા જેમને શ્વાસ લેવામાં તકલીફ થતી હતી. જ્યારે, એ જ હોસ્પિટલમાં બીજી લહેર દરમિયાન 50.7 ટકા પુખ્ત વયના લોકોએ શ્વાસ લેવામાં તકલીફ અનુભવી હતી.
અભ્યાસ મુજબ, કોરોનાથી સંક્રમિત માત્ર 7.3 ટકા બાળકોને ઓક્સિજનની જરૂરિયાત અનુભવાઈ હતી, જ્યારે 2.8 ટકા બાળકોને ઓક્સિજનના ઉચ્ચ પ્રવાહની જરૂર હતી. 24.1 ટકા બાળકોને સ્ટીરોઈડ આપવામાં આવ્યા હતા અને 16.9 ટકા બાળકોને એન્ટિવાયરલ દવા રીમડેસિવીર આપવામાં આવી હતી.એઈમ્સના અભ્યાસમાં આ આકંડાઓ દર્શાવાય છે જેને લઈને કહી શકાય છે કે વયસ્કો કપતા બાળકો ઓછા સંક્રમિત થયા છે.અને ગંભીર કોરોનાના લક્ષણો પણ બાળકોમાં ઓછા જો મળ્યા છે.
