શરીરમાં કોપરની અછત સર્જાય આ જોવા મળે છે લક્ષણો – જાણો કઈ રીતે તેની આપુર્તિ કરી શકાય
- કોપરની ઉણપ શરીરને નુકશાન કરે છે
- heથાક લાગવો કામની ગતિ ઘીમી થવી જેવી સમસ્યા થાય છે
શરીરને સ્વસ્થ રાખવા માટે આપણને ઘણા પ્રકારના પોષક તત્વોની જરૂર હોય છે. ઘણા પોષક તત્ત્વોની શરીરને દૈનિક ધોરણે જરૂર હોય છે, જ્યારે કેટલાક ઓછા પ્રમાણમાં જરૂરી હોય છે. હેલ્થ એક્સપર્ટના મતે એ વાતનું ધ્યાન રાખવું જરૂરી છે કે આપણે એવો ખોરાક લેવો જોઈએ જેથી શરીરની તમામ જરૂરિયાતો પૂરી થઈ શકે.
પરંતુ શું તમે જાણો છો કે તમારા શરીરમાં પણ કોપરની ઉણપ થઈ શકે છે. કોપર એ એક ટ્રેસ ખનિજ છે જે શરીરમાં ઓછી માત્રામાં જોવા મળે છે, જેની ઉણપ સ્વાસ્થ્ય પર નકારાત્મક અસર કરી શકે છે. શરીરમાં તાંબાની ઉણપને તબીબી ભાષામાં હાઈપોક્યુપેમિયા કહેવામાં આવે છે. તેની ઉણપને કારણે લોકોને થાક, વારંવાર બીમારી, શરદી પ્રત્યે સંવેદનશીલતા જેવી સમસ્યાઓ થઈ શકે છે.
ચાલો જાણીએ તેના લક્ષણો અને ઉપાય
અભ્યાસો દર્શાવે છે કે એનિમિયા ધરાવતા લોકોમાં પણ કોપરની ઉણપ હોઈ શકે છે. એનિમિયા, શરીરમાં તંદુરસ્ત લાલ રક્ત કોશિકાઓના અભાવ દ્વારા વર્ગીકૃત થયેલ સ્થિતિ, સામાન્ય રીતે આયર્નની અછતને કારણે થાય છે. નિષ્ણાતો માને છે કે એનિમિયાની સ્થિતિ તરફ દોરી જતા વિવિધ પરિબળોમાં તાંબાની ઉણપ પણ હોઈ શકે છે.
અભ્યાસ દર્શાવે છે કે તાંબુ નર્વસ સિસ્ટમના નિયમનમાં મહત્વપૂર્ણ ભૂમિકા ભજવે છે. આ જ કારણ છે કે શરીરમાં કોપરની ઉણપને કારણે ચાલવું, દોડવું વગેરે જેવા ફઆસ્ટ થતા કાર્યોમાં ઘટાડો થઈ શકે છે. તે કેટલાક લોકોના માનસિક સ્વાસ્થ્ય પર પણ અસર કરી શકે છે. જલદી આવા લક્ષણો દેખાય, તરત જ ડૉક્ટરનો સંપર્ક કરવો જોઈએ.
કોપરની ઉણપ તમારી ત્વચા અને વાળને પણ અસર કરી શકે છે. મેલેનિનની ખોટને કારણે વાળ અકાળે સફેદ થવા અને ત્વચા પીળી પડવા પાછળનું મુખ્ય કારણ તાંબાની ઉણપને પણ માનવામાં આવે છે. આ સિવાય તાંબાની ઉણપ તમારી આંખોની રોશની પર પણ અસર કરી શકે છે. હાઈપોક્યુપેમિયાની સમસ્યાને લાંબા સમય સુધી ચાલુ રાખવાથી પણ દ્રષ્ટિની ખોટ થઈ શકે છે.
કોપરની ઉણપ દૂર કરે છે આટલી વસ્તુઓ
સ્વાસ્થ્ય વિશેષજ્ઞોના મતે, તમારા આહારમાં કોપરની માત્રા વધારે હોય તેવો ખોરાક તમારા માટે સારો વિકલ્પ બની શકે છે. આ માટે આખા અનાજ, કઠોળ, બદામ, બટાકા જેવી વસ્તુઓનું સેવન કરી શકાય છે. લીલા પાંદડાવાળા ગ્રીન્સ અને ડાર્ક ચોકલેટ પણ કોપરના સારા સ્ત્રોત માનવામાં આવે છે. બીજી તરફ, જો તમને હાઈપોક્યુપેમિયાની સમસ્યા છે, તો તમે ડૉક્ટરની સલાહ લઈને સપ્લીમેન્ટ્સ લઈ શકો છો.
