- રાજ મહેલના ગેટ પાસે ભીષણ આગ ભભૂકી ઉઠી
- લાકડાના જંગી જથ્થામાં અગમ્ય કારણોસર લાગી આગ
- ઈલેકટ્રીક વાયરો બળતા આ વિસ્તારમાં અંધારપટ્ટ છવાયો
સુરેન્દ્રનગર: વઢવાણ રાજ મહેલના ગેટ પાસે ભીષણ આગ લાગતા અફરાતફરીનો માહોલ સર્જાયો હતો. આગના પગલે ઈલેકટ્રીક વીજ વાયરો બળી જતા આ વિસ્તારમાં ઘોર અંધારપટ્ટ છવાઇ ગયો હતો. વઢવાણ સ્ટેટના ખારવાની પોળે આવેલા રાજ મહેલ નજીક રાખવામાં આવેલા લાકડાના જંગી જથ્થામાં અગમ્ય કારણોસર આગ લાગતા તંત્રમાં દોડધામ થઈ ગઈ હતી.
આ આગે પળવારમાં જ વિકરાળ સ્વરૂપ ધારણ કરી લેતા સુરેન્દ્રનગર, વઢવાણ, લીંબડી, સહિતના ફાયર બ્રિગેડે તાકીદે ઘટનાસ્થળે દોડી જઈ આગ ઓલવવાની તજવીજ હાથ ધરી હતી. આ વિકરાળ આગ પર કાબુ મેળવવા ફાયર ફાઈટરોએ સતત પાણીનો મારો ચલાવી આગ પર કાબુ મેળવ્યો હતો. જ્યારે આ ભયાવહ આગ આજુબાજુના રહેણાંક વિસ્તારમાં પ્રસરે નહીં તે માટે લોકોને પણ સાવચેત કરવામાં આવ્યા હતા. જો કે ઈશ્વરની દયાથી કોઈ પણ પ્રકારની જાનહાનીની અત્યાર સુધી જાણકારી મળી નથી.
