આ 5 પ્રકારના કાપડ ઉનાળા માટે છે અનુકૂળ,ગરમીથી આપે છે ઘણી રાહત

• ટૂંક સમયમાં ઉનાળો આપશે દસ્તક
• આ 5 પ્રકારના કાપડ ઉનાળા માટે છે અનુકૂળ
• ગરમીથી આપે છે ઘણી રાહત

હાલ ફેબ્રુઆરી મહિનો ચાલી રહ્યો છે, પરંતુ બહાર તડકો એટલો તેજ થઈ રહ્યો છે કે લાગે છે કે ટૂંક સમયમાં ઉનાળો દસ્તક આપશે.ઋતુ બદલાવાની સાથે ખોરાક, વસ્ત્રો અને રહેવાની આદતો બધું જ બદલાઈ જાય છે.

જો કપડાની વાત કરીએ તો કાળઝાળ ગરમીમાં પરસેવો અને ચીકાશપણથી બચવા માટે એવા કપડાની જરૂર પડે છે, જે શરીરને આરામ આપી શકે.હવે જ્યારે ઉનાળાની ઋતુ નજીક છે, ત્યારે અમે તમને એવા કાપડ વિશે જણાવવા જઈ રહ્યા છીએ .જે કપડાં ઉનાળા માટે અનુકૂળ છે અને શરીરને ઘણી રાહત આપે છે.

કોટન

ઉનાળાની ઋતુ હોય અને કોટનના કપડાનો કોઈ ઉલ્લેખ ન હોય, તે થઈ શકે નહીં. કોટન ખૂબ જ હળવા અને આરામદાયક હોવાને કારણે તે જોવામાં પણ ખૂબ જ સુંદર લાગે છે.આજકાલ કોટન ફેબ્રિકમાંથી બનતા તમામ પ્રકારના ડ્રેસ માર્કેટમાં સરળતાથી મળી જાય છે.ગર્લ્સ અને બોયઝ બંને માટે વિવિધ શૈલીઓ અને રંગોના આકર્ષક કોટન કુર્તા વેચાય છે.તમે તેને રેડીમેડ જ ખરીદી શકો છો.

લિનેન

વધતા તાપમાન સાથે કામ કરવા માટે પણ લિનેન ખૂબ જ ઉપયોગી માનવામાં આવે છે.લિનેન ઢીલી રીતે વણાયેલું કાપડ છે, જે તમારા શરીરને ઘણી રાહત આપે છે.ઉનાળામાં નીકળતા પરસેવાને શોષી લે છે.આ ફેબ્રિકમાં તમને પાર્ટી ડ્રેસથી લઈને ફોર્મલ અને કેઝ્યુઅલ કપડાં સરળતાથી મળી જશે.

ચામ્બ્રે

ડેનિમ જેવું જ દેખાતું ચામ્બ્રે ખૂબ જ હળવું કાપડ છે.આ કાપડ કોટનમાંથી બનાવવામાં આવે છે.ઉનાળામાં યંગ ગર્લ્સ અને બોયઝ વચ્ચે ડેનિમનો ઘણો ક્રેઝ જોવા મળે છે. એવામાં તમે ચામ્બ્રેમાંથી તૈયાર ટ્રાઉઝર, શર્ટ, જેકેટ્સ, ટોપ્સ, શોર્ટ્સનો ઉપયોગ કરી શકો છો.

ખાદી

ખાદી માત્ર આરામદાયક નથી પણ તમને તમારા દેશની સંસ્કૃતિ સાથે જોડે છે.તે વર્ષોથી લોકપ્રિય છે અને આજે પણ ખૂબ જ પસંદ કરવામાં આવે છે.આજકાલ, ઘણી બ્રાન્ડ્સ ખાદીને લઈને ઘણા પ્રયોગો પણ કરી રહી છે.એવામાં તમને ખાદીમાં એકથી વધુ સ્ટાઇલિશ અને યોગ્ય પોશાક પહેરવા જોવા મળશે.

સિલ્ક

સિલ્ક એક એવું કાપડ છે જે વર્ષોથી લોકોનું પ્રિય છે અને દરેક સિઝનમાં ઉપયોગી છે.તે ક્યારેય ફેશનની બહાર જતું નથી.સિલ્ક ઉનાળાના દિવસોમાં ઠંડક તો લાવે જ છે, સાથે જ તે તમને ભવ્ય દેખાવ પણ આપે છે. તમે તેને ગમે ત્યારે અને ગમે ત્યાં સરળતાથી પહેરી શકો છો.