અક્ષય કુમારે ફિલ્મ ઈન્ડસ્ટ્રીમાં પૂરા કર્યા 30 વર્ષ,’પૃથ્વીરાજ’નું નવું પોસ્ટર રિલીઝ
- અક્ષય કુમારે ફિલ્મ ઈન્ડસ્ટ્રીમાં પૂરા કર્યા 30 વર્ષ
- ‘પૃથ્વીરાજ’નું નવું પોસ્ટર રિલીઝ’
- પૃથ્વીરાજ’ ચોહાણના જીવન અને વીરતા પર આધારિત
મુંબઈ :એક્ટર અક્ષય કુમારે હિન્દી ફિલ્મ ઇન્ડસ્ટ્રીઝમાં 30 વર્ષ પૂર્ણ કર્યા છે અને યશ રાજ ફિલ્મ્સે એક નવું ‘પૃથ્વીરાજ’ પોસ્ટર બનાવીને તેની સિદ્ધિને ભવ્ય રીતે દર્શાવી છે, જેમાં અભિનેતાની દરેક ફિલ્મ બતાવવામાં આવી છે.પ્રોડક્શન હાઉસ દ્વારા શેર કરવામાં આવેલા વિડિયોમાં, અક્ષયને એમ કહેતા સાંભળી શકાય છે: “આ મારા મગજમાં પણ નથી આવ્યું કે સિનેમામાં મારા 30 વર્ષની ઉજવણી કરવા માટે આ પ્રવૃત્તિ થઈ રહી છે! મારી પહેલી ફિલ્મ સૌગંધને 30 વર્ષ વીતી ગયા છે!”
મારી ફિલ્મી કારકિર્દીનો પહેલો શોટ ઉટીમાં હતો અને તે એક એક્શન શોટ હતો! આ ભાવ માટે તમારો ખૂબ ખૂબ આભાર. તે ખરેખર ખાસ છે. અક્ષયની આગામી ફિલ્મ ‘પૃથ્વીરાજ’ નીડર અને પરાક્રમી સમ્રાટ પૃથ્વીરાજ ચૌહાણના જીવન અને બહાદુરી પર આધારિત છે.તે મહાન યોદ્ધાની ભૂમિકા ભજવી રહ્યો છે જેણે આક્રમણખોર સામે બહાદુરીપૂર્વક લડત આપી હતી.
આ ફિલ્મનું નિર્દેશન ડૉ.ચંદ્રપ્રકાશ દ્વિવેદીએ કર્યું છે, જેઓ ટેલિવિઝન મહાકાવ્ય ‘ચાણક્ય’ અને વિવેચકો દ્વારા વખાણાયેલી ફિલ્મ ‘પિંજર’ના દિગ્દર્શન માટે જાણીતા છે. માનુષી છિલ્લર સંયોગિતાનું પાત્ર ભજવી રહી છે.
આ ફિલ્મ 3 જૂને હિન્દી, તમિલ અને તેલુગુમાં રિલીઝ થવાની છે.
