ફાર્મસી કાઉન્સિલની વેબસાઈટ હેક કરીને ફેક ડિગ્રીથી રજિસ્ટ્રેશન કરવાના કૌભાંડમાં બે આરોપીની ધરપકડ
અમદાવાદઃ દેશની મોગો તે યુનિવર્સિટીની બોગસ ડિગ્રી બનાવી આપતા કૌભાંડનો મુખ્ય સૂત્રધાર સહિત બે આરોપીને શહેરની સાયબર ક્રાઈમ બ્રાન્ચે ઝડપી લીધા છે. ગુજરાત રાજય ફાર્મસી કાઉન્સીલની વેબસાઇટ હેક કરી ખોટી માર્કશીટો ડીગ્રી સર્ટીફીકેટના આધારે ઓનલાઇન રજીસ્ટ્રેશન કરાવી આપનારા નાસતા ફરતા મુખ્ય આરોપીઓને દબોચી લીધા છે. સાયબર ક્રાઈમ બ્રાંચની તપાસમાં દેશભરની યુનિવર્સીટીઓના બોગસ સર્ટીના આધારે ઓનલાઇન રજીસ્ટેશન કરાવાના કૌંભાડનો પર્દાફાશ થયો છે.
સાયબર ક્રાઈમ પોલીસના સૂત્રોના જણાવ્યા મુજબ અતનું પાત્રા અને સુધાકર ઘોષ નામના બે આરોપીએ આટલું મોટુ કૌભાંડ આચર્યું હતું. બન્ને આરોપીઓને છેતરપિંડી ગુનામાં વેસ્ટ બંગાળથી ધરપકડ કરી હતી. પકડાયેલા બન્ને આરોપીઓ સંદર્ભે સાયબર ક્રાઈમને દોઢ વર્ષ પહેલાં ફાર્મસી ઓફ કાઉન્સિલ તરફથી ફરિયાદ મળી હતી કે તેમની વેબસાઈટમાં ખોટી એન્ટ્રી થઈ રહી છે. જેનો ખુલાસો આર કે યુનિવર્સીટીના ફેક સર્ટિફિકેટના આધારે થયો હતો. જેની તપાસ કરતા અગાઉ સાયબર ક્રાઇમેં મૃગાંક ચતુર્વેદી નામના શખ્સની ધરપકડ કરી હતી. જે કેસની તપાસ ચાલુ હતી. જેમાં સાયબર ક્રાઈમને મોટી સફળતા મળી છે. અને મોટા સાયબર ક્રાઈમના ગુણનો પર્દાફાશ થયો છે. બાદમાં આ કેસની ગંભીરતા જોઈ સાયબર ક્રાઇમે વધુ તપાસ કરતા વેસ્ટ બંગાળનું સ્થળ મળતા સાયબર ક્રાઇમે અતનું અને સુધાકર બે આરોપી પકડી તપાસ શરૂ કરી હતી જેની તપાસમાં આરોપીઓ વેબ સાઇટ હેક કરવાનું કામ કરતા. જેઓએ 108 વેબસાઈટ હેક કરી ચેડા કર્યા હોવાનું સામે આવ્યું છે.
મહત્વનું છે કે, પકડાયેલ આરોપીઓની પૂછપરછ કરતા મોડેસ ઓપરેન્ડી પણ સામે આવી કે આ આરોપીઓ વેબ સાઇટ હેક કરી ઓનલાઇન એન્ટ્રી બદલી આર્ટિફિકેટ બનાવતા. આ કૌભાંડમાં આરોપીઓ સાથે રજિસ્ટ્રાર પણ સંડોવાયેલા હતા. કેમ કે ત્યાં ઇ-મેઇલ થાય જે ડીલીટ કરી યુનિવર્સીટીને જાણ ન થાય તે રીતે સર્ટિફિકેટની વિગત આપવામાં આવતી. જેમાં પોસ્ટના કર્મચારી મળેલા હોવાનું સામે આવ્યું હતું. જેથી લેટર યુનિવર્સીટી સુધી પહોંચતા ન હતા અને યુનિવર્સીટીને ગુનાની જાણ થતી ન હતી. જોકે આરોપીઓની વધુ ન ચાલી અને તેઓ પોલીસ ગિરફતમાં આવી ગયા. જે આરોપીઓ પાસેથી પોલીસે 3 મોબાઈલ અને 3 લેપટોપ પણ કબજે કર્યા છે.
સાયબર ક્રાઈમની તપાસમાં એવી હકિક્ત પણ જાણવા મળી હતી કે, આરોપીઓએ વેબસાઇટ હેકિંગ કરવા માટે પેનલ બનાવી હતી. જેમાં તેઓએ ભારતની 108 યુનિવર્સીટીની વેબ સાઇટ હેક કર્યાના નામ ખુલ્યા છે. તો 84 ડિગ્રી કે જેના ફેક સર્ટિફિકેટ બનાવ્યા તેના નામ સામે આવ્યા છે. 5854 વિદ્યાર્થીના ડેટા મળ્યા છે જેમની ફેક એન્ટ્રી કરાઇ છે. જે ફેક એન્ટ્રી કે સિટીફીકેટ બનાવવા માંગતા હોય તો તેમને 5 થી 10 લાખ કોટેશન આપવામાં આવતું હતું. અને તેમાં પણ ગુજરાતમાં સૌરાષ્ટ્ર યુનિવર્સીટીના 30 વિધાર્થીઓના ડેટા મળી આવ્યા જેઓએ ફેક સર્ટિફિકેટ બનાવ્યા છે. જે અંગે પણ પોલીસે તપાસ શરૂ કરી છે. જે કેસમાં મૂળ સુધી પહોચવા માટે જે એનાલિસિસ કરવામાં આવ્યું તેમાં GTUના ઇંટર્ન નિસર્ગ અને પ્રોફેસર દિપક શર્મા અને સાયબર ટીમની મદદથી કેસ સોલ્વ કરવામાં ખૂબ મદદ મળી હતી. પકડાયેલા બન્ને આરોપીઓનો અભ્યાસ એટલો ખાસ નથી. પણ તેઓ સાયબર હેકિંગથી વાકેફ હતા અને પુરી પેનલ મળી કામ કરતા. જેથી કોઈને તેમના પર શંકા ન જાય. અને વેબ સાઇટ હેક કરી ગમે તે ડેટામાં ચેડા કરતા. જે ઘટના વધુ આરોપીઓ પકડાય તેવી શકયતા છે. જેને લઈને સાયબર ક્રાઈમ અન્ય આરોપીઓની તપાસમાં લાગી છે.
