અમેરિકા કરી શકે છે H1B વિઝામાં મોટો ફેરફાર,મોટી સંખ્યામાં ભારતીયોને થઈ શકે છે ફાયદો 

• ભારતીયોને લાગી શકે છે ‘લોટરી’
• અમેરિકા બદલશે H-1B વિઝાના નિયમો
• ગ્રીન કાર્ડ મેળવવું બનશે સરળ

દિલ્હી:અમેરિકા H-1B વિઝા સિસ્ટમને આધુનિક બનાવવાની પહેલ કરવા જઈ રહ્યું છે.આ પહેલથી સ્ટાર્ટઅપ કંપનીઓ બહારના દેશોમાંથી આવતા લોકોને સરળતાથી નોકરી પર રાખી શકશે. એટલું જ નહીં ગ્રીન કાર્ડ મેળવવું પણ હવે પહેલા કરતા વધુ સરળ બની જશે.અમેરિકાના આ પગલાથી ભારતીયોને સૌથી વધુ ફાયદો થશે.વાસ્તવમાં, યુએસ ડિપાર્ટમેન્ટ ઓફ હોમલેન્ડ સિક્યુરિટીએ H-1B વિઝાના નિયમોમાં ઘણા ફેરફારો કરવાનો પ્રસ્તાવ મૂક્યો છે.આ દરખાસ્ત 2023 માટે વિભાગના નિયમનકારી એજન્ડાનો એક ભાગ છે.

તેમાં અન્ય નિયમોમાં સુધારો કરવાનો પણ સમાવેશ થાય છે, જે પ્રક્રિયાને વધુ સુવ્યવસ્થિત બનાવશે અને H-1B નોંધણી પ્રણાલીમાં છેતરપિંડી અને દુરુપયોગની સંભાવનાને ઘટાડશે. આ સૂચિત ફેરફારોમાંથી એક H-1B અને ગ્રીન કાર્ડ ધારકો માટે વર્તમાન પગાર દરમાં વધારો કરવાનો છે. અમેરિકાનો H-1B વિઝા એ ‘નોન-ઇમિગ્રન્ટ’ વિઝા છે.યુએસ કંપનીઓ તેનો ઉપયોગ આઉટસોર્સિંગ માટે કરે છે.

આ વિઝાના નિયમોમાં ફેરફારથી ભારતીય લોકોને મોટો ફાયદો થશે.કારણ કે ભારતની ઘણી કંપનીઓ આ વિઝા દ્વારા અમેરિકાની કંપનીઓમાં કામ કરે છે.H-1B વિઝા યુએસ કંપનીઓને વિશેષ કૌશલ્ય સાથે નોકરીમાં વિદેશી કામદારોને રાખવાનો અધિકાર આપે છે.યુએસ ટેક્નોલોજી કંપનીઓ ભારત અને ચીન જેવા દેશોમાંથી કુશળ કામદારોની ભરતી કરવા માટે આ વિઝા પર આધાર રાખે છે. આ વિઝા ભારતીયો સહિત વિદેશી પ્રોફેશનલ્સમાં ‘વર્ક વિઝા’ પછી સૌથી વધુ માંગવામાં આવે છે.