પરિણીતી ચોપડા ફરી અક્ષય કુમાર સાથે ફિલ્મમાં જોવા મળશે,ફોટો પોસ્ટ કરી આપી જાણકારી
- પરિણીતી અને અક્ષય ફરી એકવખત સાથે જોવા મળશે
- ફોટો પોસ્ટ કરી આપી જાણકારી
- બંને છેલ્લે ‘કેસરી’માં સાથે જોવા મળ્યા હતા
મુંબઈ:અક્ષય કુમાર અને પરિણીતી ચોપડા ફરી એકવાર સાથે ફિલ્મમાં જોવા મળશે.પરિણીતી ચોપડા ખુબ જ હેડલાઇન્સમાં રહે છે. હાલમાં જ તે પ્રિયંકા ચોપડા સાથે તેના જન્મદિવસના અવસર પર જોવા મળી હતી. પરિણીતીએ તેના ઈન્સ્ટાગ્રામ એકાઉન્ટ પર જન્મદિવસની ઉજવણીની તસવીરો પણ શેર કરી છે. પરંતુ હવે પરિણીતી સાથે જોડાયેલા વધુ એક મહત્વના સમાચાર સામે આવ્યા છે. તે ટૂંક સમયમાં અક્ષય કુમાર સાથે બીજી ફિલ્મમાં જોવા મળશે. પરિણીતી ચોપડા આ ફિલ્મને લઈને ખૂબ જ ઉત્સાહિત છે.
પરિણીતી ચોપડા છેલ્લે 2019માં આવેલી ફિલ્મ કેસરીમાં અક્ષય કુમાર સાથે જોવા મળી હતી. આ ફિલ્મમાં બંનેની જોડીને ખૂબ પસંદ કરવામાં આવી હતી. બંને ફરી એકવાર નવી ફિલ્મમાં સાથે જોવા મળવાના છે. પરિણીતી ચોપડાએ 30મી જુલાઈએ ઈન્સ્ટાગ્રામ પર અક્ષય કુમાર સાથેની તેની આગામી ફિલ્મ વિશે જાહેરાત કરતી એક રમુજી તસવીર પોસ્ટ કરી હતી.
તેમની પ્રથમ ફિલ્મના ત્રણ વર્ષ પછી, બંને પૂજા એન્ટરટેઈનમેન્ટના પ્રોજેક્ટમાં ફરી એકવાર સ્ક્રીન સ્પેસ શેર કરવા માટે તૈયાર છે. તેણે અક્ષય કુમાર સાથે તેની તસવીર ઈંગ્લેન્ડથી શેર કરી છે. આ તસવીર શેર કરતાં પરિણીતીએ કેપ્શનમાં લખ્યું, ‘અમે પાછા આવી ગયા છીએ. આ વખતે ‘કેસરી’ની જોડી યોર્કમાં શૂટિંગ કરી રહી છે, પરંતુ હાસ્ય, જોક્સ, સ્પોર્ટ્સ અને પંજાબી ગોસિપ સમાન છે.
અક્ષય કુમાર ટૂંક સમયમાં ભૂમિ પેડનેકર સાથે ફિલ્મ રક્ષા બંધનમાં જોવા મળશે.આ ફિલ્મ 11 ઓગસ્ટ 2022 ના રિલીઝ થશે.
