એશિયા કપમાં પાકિસ્તાન સામેની શાનદાર જીત પર ટીમ ઈન્ડિયાને પીએમ મોદીએ અભિનંદન પાઠવ્યા
- ભારતની પાકિસ્તાન સામે શાનદાર જીત
- પીએમ મોદી સહીતના નેતાઓ એ ટીમ ઈન્ડિયાને શુભેચ્છાઓ પાઠવી
દિલ્હીઃ- વિતેલી રાત્રે દેશભરમાં ખુશીન ોમાહોલ જોવા મળ્યો હતો, દેશભરના હોટલ ,રેસ્ટોરન્ટ અને કાફે તથા પાનના ગલ્લાઓ પર ઈન્ડિયા પાકિસ્તાનની મેચ જોનારા ક્રિકેટ પ્રેમીઓમાં ભારે ઉત્સાહત હતો અને જ્યારે પાકિસ્તાન સામે ઈન્ડિયા એ જીત મેળવી ત્યારે સૌ કોી ખુશીથી ઝુમી ઉઠ્યા હતા, એશિયા કપમાં ભારતીય ટીમે પાકિસ્તાનને હરાવીને જીત સાથે શરૂઆત કરી હતી. આ જીતનો હીરો હાર્દિક પંડ્યા હતો જેણે બેટિંગ અને બોલિંગમાં શાનદાર પ્રદર્શન કર્યું હતું.
ત્યારે હવે ભારતની આ જીતને લઈને પીએએમ નરેન્દ્ર મોદીએ ભારતીય ટીમને અભિનંદન પાઠવ્યા છે. તેમણે પોતાના ટ્વિટર હેન્ડલ પર ટ્વીટ કર્યું છે કે, ટીમ ઈન્ડિયાએ આજની એશિયા કપ મેચમાં શાનદાર ઓલરાઉન્ડ પ્રદર્શન કર્યું. ટીમે શાનદાર કૌશલ્ય અને ધીરજ બતાવી છે. જીત પર અભિનંદન.
ઉલ્લેખનીય છે કે પાકિસ્તાનની ઇનિંગ અંતે 147 રનના સ્કોરે સમેટાઈ ગઈ હતી,પાકિસ્તાને પ્રથમ બેટિંગ કરીને ભારતને 148 રનનો ટાર્ગેટ આપ્યો હતો જે ભારતે પુરો કર્યો અને જીત મેળવી હતી, પાકિસ્તાનની ટીમ 19.5 ઓવરમાં 147 રનમાં ઓલઆઉટ થઈ ગઈ હતી.
#TeamIndia put up a spectacular all-round performance in today’s #AsiaCup2022 match. The team has displayed superb skill and grit. Congratulations to them on the victory.
— Narendra Modi (@narendramodi) August 28, 2022
પ્રથમ બેટિંગ કરતા પાકિસ્તાને ભારતને જીતવા માટે 148 રનનો ટાર્ગેટ આપ્યો હતો. તે જ સમયે, ભારતીય બોલરો ખાસ કરીને ભુવનેશ્વર કુમાર અને હાર્દિક પંડ્યાએ શાનદાર પ્રદર્શન કર્યું હતું.
ભુવનેશ્વર કુમારે ચાર ઓવરમાં 26 રન કર્યા અને સાથે 4 વિકેટ લીધી હતી.આ સાથે જ હાર્દિકે 4 ઓવરમાં 25 રન કરીને કુલ 3 વિકેટ લીધી હતી.
What a superb start by Team India at the #AsiaCup2022.
This was such a nail-biting match. Congratulations to the entire team for this amazing victory. Keep it up! pic.twitter.com/MyNOkILkeh
— Amit Shah (@AmitShah) August 28, 2022
ભારતની જીત પર દેશના ગૃહમંત્રી અમિત શાહે પણ ટ્વીટ કરીને ટીમ ઈન્ડિયાને અભિનંદન પાઠવ્યા છે.આ સાથે જ ભારતની શાનદાર જીતથી દેશમાં પમ ખુશીનો માહોલ જોવામ મળ્યો છે.
