19 વર્ષના કાર્લોસ અલ્કારેઝે રચ્યો ઈતિહાસ,US ઓપન જીતીને સૌથી નાની ઉંમરમાં બન્યો નંબર વન
- 19 વર્ષના કાર્લોસ અલ્કારેઝે રચ્યો ઈતિહાસ
- નોર્વેના કેસ્પર રૂડને હરાવી જીત્યો પ્રથમ ગ્રાન્ડ સ્લેમ ટાઇટલ
- US ઓપન જીતીને સૌથી નાની ઉંમરમાં બન્યો નંબર વન
મુંબઈ:19 વર્ષીય કાર્લોસ અલ્કારેઝે યુએસ ઓપન ટેનિસ ચેમ્પિયનશીપમાં કેસ્પર રૂડને હરાવી તેનું પ્રથમ ગ્રાન્ડ સ્લેમ ટાઇટલ જીત્યું.આ સાથે 19 વર્ષની ઉંમરે તે નંબર 1 રેન્ક હાંસલ કરનાર સૌથી યુવા ખેલાડી બની ગયો છે.યુએસ ઓપનને 32 વર્ષ બાદ સૌથી યુવા ચેમ્પિયન મળ્યો છે.કાર્લોસે યુએસ ઓપનની ફાઇનલમાં નોર્વેના કેસ્પર રૂડને 6-4, 2-6, 7-6(1), 6-3થી હરાવી તેનું પ્રથમ ગ્રાન્ડ સ્લેમ ટાઇટલ જીત્યું અને પ્રથમ વખત વિશ્વનો નંબર વન બન્યો.
ન્યૂયોર્કમાં બે સપ્તાહની ટુર્નામેન્ટમાં પોતાના એક્રોબેટીક શોટ અને જુસ્સાથી ચાહકોને મંત્રમુગ્ધ કરનાર અલ્કારેઝે રશિયાના ડેનિલ મેદવેદેવને સ્થાન આપીને પ્રથમ સ્થાન મેળવ્યું છે. 1973 માં એટીપી રેન્કિંગની રજૂઆત પછી, અલ્કારેઝ વિશ્વમાં પ્રથમ નંબર મેળવનાર સૌથી યુવા ખેલાડી બની ગયો છે.
સ્પેનના યુવા ટેનિસ સ્ટાર કાર્લોસ અલ્કારેઝ અને નોર્વેના કાસ્પર રુડ યુએસ ઓપનની ફાઇનલમાં પહોંચી ગયા છે.જે પણ રવિવારે આ ટાઇટલ મેચ જીતશે તે તેની પ્રથમ ગ્રાન્ડ સ્લેમ ટ્રોફી જીતશે અને સાથે જ નંબર વનનો તાજ પણ મેળવશે.અને આમાં અલ્કારેઝ જીતી ગયો.
