વિશ્વની સૌથી ઊંચી યુદ્ધભૂમિ સિયા ચીન ગ્લેશિયર પર સેટેલાઇટ આધારિત ઇન્ટરનેટ સેવાઓ સેનાએ સક્રિય કરી – જાણકારી મેળવવી બનશે સરળ
- સિયા ચીન ગ્લેશિયર પર સેના એ ઈન્ટરનેટ સેવા એક્ટિવ કરી
- ગુપ્ત જાણકારી મેળવવી બનશે સરશ
દિલ્હીઃ- દેશભરમાં ઈન્ટરનેટ સેવાઓ હવે ખુણા સૂણા સુધી પહોંચાડવામાં આવી રહી છે જેથી કરીને તમામ લોકો વિશ્વસાથીની માહિતી સાથે જોડાય રહે ત્યારે હવે સિયા ચીન ગ્લેશિયર પણ સેનાએ ઈન્ટરનેટ સેવા એક્ટિવ કરી છે જેને લઈને હજારો ફૂટની ઊંચાઈ પર રહીને પણ સેના અનેક માહિતી પ્રાપ્ત કરી શકશે.
"Always Through"
Satellite based internet service activated on the #SiachenGlacier at 19,061 feet, the World's Highest Battlefield, by the Siachen Signallers#SiachenWarriors@adgpi@NorthernComd_IA@ANI pic.twitter.com/kK8xQG8aQj
— @firefurycorps_IA (@firefurycorps) September 18, 2022
પ્રાપ્ત જાણકારી પ્રમાણે ભારતીય સેનાએ રવિવારે સિયાચીન ગ્લેશિયર પર વિશ્વના સૌથી ઊંચા યુદ્ધભૂમિ પર સેટેલાઇટ આધારિત ઇન્ટરનેટ સેવાને સક્રિય કરી છે.ભારતીય સેનાના ફાયર એન્ડ ફ્યુરી કોર્પ્સે જણાવ્યું હતું કે, “સિયાચીન સિગ્નલર્સ દ્વારા વિશ્વના સૌથી ઊંચા યુદ્ધક્ષેત્ર 19,061 ફીટ પર સિયાચીન ગ્લેશિયર પર સેટેલાઇટ-આધારિત ઇન્ટરનેટ સેવા સક્રિય કરવામાં આવી છે.જથી હવે સેનાને અનેક પ્રકારની માહિતી મેળવવી સરળ બનશે.
ઉલ્લેખનીય છે કે ફાયર એન્ડ ફ્યુરી કોર્પ્સ અથવા XIV કોર્પ્સ કારગિલ-લેહ સાથે સૈન્ય તૈનાતની દેખરેખ રાખે છે, ચીન અને પાકિસ્તાન સાથેની સરહદોને સુરક્ષિત કરે છે અને સિયાચીન ગ્લેશિયરની રક્ષા કરે છે.ભારત બ્રોડબેન્ડ નેટવર્ક લિમિટેડ ભારત સરકારનું એક ઉપક્રમ છે જે સિયાચીન ખાતે સેનાને નેટ કનેક્ટિવિટી પ્રદાન કરે છે, તે જ એજન્સી છે જે ભારતનેટ પ્રોજેક્ટના અમલીકરણ માટે જવાબદાર છે.
આ સાથે જ ભારતીય સેનાએ ભારતીય સંરક્ષણ ઉદ્યોગને કટોકટીની પ્રાપ્તિ માટે મહત્વપૂર્ણ સંરક્ષણ સાધનો ઓફર કરવા આમંત્રણ આપ્યું છે. બંદૂકો, મિસાઇલ, ડ્રોન, કાઉન્ટર-ડ્રોન, લોઇટર મ્યુશન, કોમ્યુનિકેશન અને ઓપ્ટિકલ સિસ્ટમ્સ, નિષ્ણાત વાહનો, એન્જિનિયરિંગ સાધનો અને વૈકલ્પિક ઉર્જા સંસાધનો માટે દરખાસ્તો રજૂ કરવામાં આવી છે.સેનાએ કહ્યું કે સ્થાનિક સંરક્ષણ ઉત્પાદકોએ કટોકટીની ખરીદી માટે સ્થાનિક સંરક્ષણ સાધનો ઓફર કરવા જોઈએ.
સેનાએ આપેલી માહિતી પ્રમાણે પ્રક્રિયા સંકુચિત સમયરેખા પર આધારિત હશે, જેમાં પ્રાપ્તિ વિન્ડો ભારતીય ઉદ્યોગ માટે છ મહિના માટે ખુલ્લી રહેશે અને ઉદ્યોગને કરાર પર હસ્તાક્ષર કર્યાના એક વર્ષની અંદર સાધનોની ડિલિવરી કરવાની અપેક્ષા રાખવામાં આવશે. પ્રાપ્તિના કેસ ઓપન ટેન્ડર પૂછપરછ પર આધારિત હશે.
