ઈસરો આ વર્ષના છેલ્લા મિશનના છેલ્લા રોકેટને લોન્ચ કરવા સજ્જ: PSLVની 56મી ઉડાનમાં શ્રીહરિકોટાથી ઓશનસેટ-૩ આજે લોન્ચ થાય છે.
શ્રી હરિકોટા: ઇસરોએ આ શનિવારે તેના છેલ્લા PSLV મિશનના લોન્ચ માટે પૂરી તૈયારી કરી લીધી છે. ભારતમાંથી PSLV મિશનની આ 56મી ઉડાન છે અને ઈસરોનું 2022ના વર્ષનું આ પાંચમું અને અંતિમ લોન્ચિંગ છે. આ PSLV-C54/ EOS-06 મિશનમાં ઓશનસેટ-૩ સાથે ભૂટાનના એક સહિત આઠ નેનો; એમ કુલ 9 ઉપગ્રહો 26 નવેમ્બરના રોજ શ્રીહરિકોટા સ્પેસપોર્ટથી ઉડાન ભરશે.
44.4 મીટર ઊંચું આ રોકેટ 321 ટનના લિફ્ટ-ઓફ માસ સાથે લોન્ચ થશે અને તેનો પ્રાથમિક ઉપગ્રહ અર્થ ઓબ્ઝર્વેશન સેટેલાઇટ-6 છે, જેને ઓશનસેટ-3 પણ કહેવામાં આવે છે.
ઈસરોના બધાં મિશનોમાં આ સૌથી લાંબુ:
આ મિશન ઈસરોના વૈજ્ઞાનિકો દ્વારા હાથ ધરવામાં આવેલા સૌથી લાંબા મિશન પૈકીનું એક હશે અને PSLV-C54 પ્રક્ષેપણ વાહનમાં ઉપયોગમાં લેવાતા ટુ-ઓર્બિટ ચેન્જ થ્રસ્ટર્સ (OCT)નો ઉપયોગ કરીને ભ્રમણકક્ષા બદલવા માટે રોકેટને સામેલ કરશે. અર્થ ઓબ્ઝર્વેશન સેટેલાઈટના ઓર્બિટ-1માં અલગ થવાની ધારણા હતી, જયારે પેસેન્જર પેલોડને ઓર્બિટ-2માં અલગ કરવામાં આવશે. સ્પેસટેક સ્ટાર્ટઅપ પિક્સેલ તેનો ત્રીજો હાઇપરસ્પેક્ટ્રલ ઉપગ્રહ – આનંદ – ઓનબોર્ડ પોલર સેટેલાઇટ લોન્ચ વ્હીકલ (PSLV) લોન્ચ કરશે. આનંદ એક હાઇપરસ્પેક્ટ્રલ માઇક્રોસેટેલાઇટ છે, જેનું વજન 15 કિલોથી ઓછું છે, પરંતુ તેની વેવલેન્થ 150 થી વધુ છે.
અર્થ ઓબ્ઝર્વેશન સેટેલાઈટના લોન્ચ થયાના લગભગ 20 મિનિટ પછી લગભગ 742 કિમીની ઊંચાઈએ પહોંચ્યા પછી સ્થાપિત થવાની ધારણા છે. પ્રાથમિક ઉપગ્રહને અલગ કર્યા પછી, પ્રથમ પેસેન્જર સેટેલાઇટ મૂકવા માટે વાહનને 516 કિમીની ઊંચાઈ પર લઈ જવામાં આવશે. ઈસરોએ કહ્યું કે અંતિમ પેલોડ 528 કિમીની ઊંચાઈએ અલગ થવાની ધારણા છે.
અર્થ ઓબ્ઝર્વેશન સેટેલાઇટ-6 એ ઓશનસેટ શ્રેણીનો ત્રીજી પેઢીનો ઉપગ્રહ છે. પેલોડમાં ભૂટાન માટે ISRO નેનો સેટેલાઇટ-2 (INS-2B)નો સમાવેશ થાય છે, જે NanoMX અને APRS-Digipitor નામના બે પેલોડ વહન કરશે. નેનો એમએક્સ એ સ્પેસ એપ્લીકેશન સેન્ટર દ્વારા વિકસિત મલ્ટિસ્પેક્ટ્રલ ઓપ્ટિકલ ઇમેજિંગ પેલોડ છે, જ્યારે APRS-ડિજિપિટર પેલોડ ઇન્ફોર્મેશન ટેક્નોલોજી અને ટેલિકોમ્યુનિકેશન્સ વિભાગ, ભૂટાન અને યુઆર રાવ સેટેલાઇટ સેન્ટર, બેંગલુરુ દ્વારા સંયુક્ત રીતે વિકસાવવામાં આવ્યો છે.
(ફોટો: ફાઈલ)
