દિલ્હી:રક્ષામંત્રી રાજનાથ સિંહ અને ભારતીય નૌકાદળના ટોચના કમાન્ડરો સોમવારે એટલે કે સ્વદેશી વિમાનવાહક જહાજ INS વિક્રાંત પર યોજાનારી એક મોટી કોન્ફરન્સમાં ભારતના દરિયાઈ સુરક્ષા પડકારોની વ્યાપક સમીક્ષા કરશે.પ્રથમ વખત આ દ્વિવાર્ષિક કમાન્ડર કોન્ફરન્સ એરક્રાફ્ટ કેરિયર પર યોજાઈ રહી છે.હિંદ મહાસાગર ક્ષેત્રમાં ચીનની વધતી હાજરી વચ્ચે તેને દરિયાઈ ક્ષેત્રમાં ભારતની પ્રાથમિકતાના પ્રતીક તરીકે જોવામાં આવી રહ્યું છે.
નૌકાદળના એક વરિષ્ઠ અધિકારીએ જણાવ્યું હતું કે,પ્રદેશમાં પ્રવર્તમાન ભૌગોલિક-વ્યૂહાત્મક પરિસ્થિતિને ધ્યાનમાં રાખીને કોન્ફરન્સનું પોતાનું મહત્વ અને સુસંગતતા હશે.કોન્ફરન્સના પ્રથમ તબક્કાના ભાગરૂપે રક્ષામંત્રી સિંહ આજે સ્વદેશી વિમાનવાહક જહાજ પર નૌકાદળના કમાન્ડરોને સંબોધિત કરશે.આ કોન્ફરન્સ નૌકાદળના કમાન્ડરો માટે લશ્કરી-વ્યૂહાત્મક સ્તરે મહત્વપૂર્ણ સુરક્ષા મુદ્દાઓ પર ચર્ચા કરવા અને વરિષ્ઠ સરકારી અધિકારીઓ સાથે વાતચીત કરવા માટે એક સંસ્થાકીય મંચ તરીકે કામ કરે છે.
નેવીએ કહ્યું, “આ વર્ષે કમાન્ડર કોન્ફરન્સનો પ્રથમ તબક્કો સમુદ્રમાં યોજાઈ રહ્યો છે.આ કોન્ફરન્સની નવીનતા છે.ઉપરાંત, પ્રથમ વખત આ કોન્ફરન્સ ભારતના પ્રથમ સ્વદેશી એરક્રાફ્ટ કેરિયર INS વિક્રાંત પર યોજાવાની છે.ચીફ ઓફ ડિફેન્સ સ્ટાફ જનરલ અનિલ ચૌહાણ, ચીફ ઓફ આર્મી સ્ટાફ જનરલ મનોજ પાંડે અને ચીફ ઓફ એર સ્ટાફ વી.આર. ચૌધરી પણ કોન્ફરન્સમાં હાજરી આપશે.
