બોલિવૂડના આ સ્ટાર્સના નામ નોંધાયેલા છે ગિનીસ બુકમાં,સોનાક્ષી સિંહાથી લઈને લલિતા પવારે બનાવ્યો રેકોર્ડ
મુંબઈ:બોલિવૂડમાં ઘણી એવી હસ્તીઓ છે જેમણે પોતાના નામે મોટા ખિતાબ હાંસલ કર્યા છે.પોતાની ફિલ્મો દ્વારા તે લોકોની ઓળખમાં રહે છે.તેમની કોમર્શિયલ અને નોન કોમર્શિયલ બંનેની ફિલ્મો લોકોના દિલ પર રાજ કરે છે. ફિલ્મોની સફળતા માટે આ સ્ટાર્સને એક યા બીજા એવોર્ડથી સન્માનિત કરવામાં આવે છે.પરંતુ આજે અમે તમને એવા જ કેટલાક બી-ટાઉન સ્ટાર્સના નામ જણાવીશું જેમના નામ ગિનિસ બુક ઓફ વર્લ્ડ રેકોર્ડમાં સામેલ છે.
લલિતા પવાર
બોલિવૂડમાં જ્યારે પણ વિલનનું નામ લેવામાં આવે છે, ત્યારે લલિતા પવારનું નામ ચોક્કસપણે આ લિસ્ટમાં સામેલ થાય છે. લલિતા પવાર ફિલ્મોમાં ખલનાયકના પાત્રથી ચર્ચામાં આવી, સાથે જ તેને રામાયણ સિરિયલમાં મંથરાના પાત્રથી પણ ઓળખ મળી. લલિતા પવાર બોલિવૂડમાં સૌથી વધુ સમય કામ કરનાર અભિનેત્રીનો રેકોર્ડ બનાવીને ગિનિસ બુકમાં પહોંચી ગઈ છે.
આશા ભોંસલે
આશા ભોસલે એક પ્રખ્યાત ગાયિકા છે, તેમણે પોતાની ફિલ્મી કારકિર્દીમાં ઘણા ગીતો ગાયા છે. તેઓએ ઑક્ટોબર 2011માં સ્ટુડિયો રેકોર્ડિંગની મહત્તમ સંખ્યા માટે ગિનીસ બુક ઑફ વર્લ્ડ રેકોર્ડમાં સ્થાન મેળવ્યું હતું. આશા ભોસલેએ ઘણી ભારતીય ભાષાઓમાં લગભગ 11,000 ગીતો રેકોર્ડ કર્યા છે.
સોનાક્ષી સિંહા
પોતાની અદાથી સૌના દિલ જીતનાર સોનાક્ષીનું નામ પણ આ રેકોર્ડ બુકમાં નોંધાયેલું છે. સોનાક્ષી સિંહાએ એક ઇવેન્ટમાં હાજરી આપી હતી જ્યાં એક સમયે મહત્તમ સંખ્યામાં મહિલાઓએ તેમના નખ પર પેન્ટ કર્યા હતા.વર્ષ 2016માં સોનાક્ષીએ આ રેકોર્ડ પોતાના નામે કર્યો હતો.
કુમાર સાનુ
કુમાર સાનુ 90ના દાયકાના શ્રેષ્ઠ ગાયક છે.તેમના ગીતો આજે પણ યુવાનોમાં બહોળા પ્રમાણમાં સાંભળવા મળે છે.કુમાર સાનુએ 1993માં એક જ દિવસમાં 28 ગીતો રેકોર્ડ કર્યા હતા, જે એક વર્લ્ડ રેકોર્ડ છે.આ જ કારણ છે કે તેનું નામ ગિનિસ બુક ઓફ વર્લ્ડ રેકોર્ડમાં છે.
