બેંક એકાઉન્ટમાં નાણા નહીં હોય તો પણ યુપીઆઈની મદદથી ચુકણી કરી શકાશે
નવી દ્લીહઃ રિઝર્વ બેંક ઓફ ઈન્ડિયાએ મોનેટરી પોલિસી કમિટીની બેઠકમાં ઘણી મોટી જાહેરાતો કરી હતી. તેમાંથી, યુનિફાઇડ પેમેન્ટ ઇન્ટરફેસ દ્વારા બેંકોમાં પ્રી-સેક્શન ક્રેડિટ લાઇન આપરેટ કરવેની જાહેરાત કરાઈ છે. આ એક એવી સિસ્ટમ છે કે જે તમારા ખાતામાં પૈસા ન હોય તો પણ તમે પેમેન્ટ કરી શકશો. જો કે, તમારે તમારું એકાઉન્ટ UPI સાથે લિંક કરવું પડશે.
રિઝર્વ બેંકના ગવર્નર શક્તિકાંત દાસે જણાવ્યું હતું કે આ નવા પ્રસ્તાવના અમલીકરણ બાદ ઈનોવેશનને પ્રોત્સાહન મળશે. UPIએ ભારતમાં ચુકવણીની રીત બદલી છે. સમયાંતરે ઉત્પાદનો અને સુવિધાઓ વિકસાવવા માટે UPIને મજબૂત કરવા માટે વિવિધ પગલાં પણ લેવામાં આવ્યા છે. આ સિવાય Rupay ક્રેડિટ કાર્ડને UPI સાથે લિંક કરવાની પરવાનગી આપવામાં આવી છે.
અત્યાર સુધી UPI થી પેમેન્ટ સીધું બેંક ખાતા સાથે લિંક કરીને કરી શકાય છે. એટલું જ નહીં પેમેન્ટ એપની મદદથી વોલેટનો ઉપયોગ કરીને પેમેન્ટ પણ કરી શકાય છે. આ સિવાય RuPay ક્રેડિટ કાર્ડ દ્વારા પણ પેમેન્ટ કરી શકાય છે. જોકે હવે આરબીઆઈની નવી જાહેરાતથી પેમેન્ટને લઈને મોટી રાહત થશે.
આરબીઆઈના આ પ્રસ્તાવના અમલીકરણ પછી, ગ્રાહકો તેમની બેંક થાપણો તેમજ પૂર્વ-મંજૂર ક્રેડિટ્સમાંથી UPI ચૂકવણી કરી શકશે. સરળ ભાષામાં, UPI નેટવર્ક દ્વારા, ગ્રાહકો બેંકો દ્વારા ચૂકવણી માટે આપવામાં આવેલી ક્રેડિટનો પણ ઉપયોગ કરી શકશે. UPI પર ક્રેડિટ લાઇનની સુવિધા ગ્રાહકો માટે પોઈન્ટ-ઓફ-પરચેઝ અનુભવને બહેતર અને સરળ બનાવશે. RBI આ અંગે વિગતવાર માહિતી પણ જારી કરશે.
