‘એનિમલ’ના સેટ પરથી રણબીર કપૂરનો નવો લુક ઈન્ટરનેટ પર મચાવી રહ્યો છે ધૂમ,વીડિયો જોઈને ચાહકો થઈ ગયા ઉત્સાહિત

મુંબઈ : બોલિવૂડ એક્ટર રણબીર કપૂર આ દિવસોમાં તેની મોસ્ટ અવેટેડ આગામી ફિલ્મ ‘એનિમલ’ને કારણે ચર્ચામાં છે. સંદીપ રેડ્ડી વાંગાની આ ફિલ્મને લઈને લોકોમાં પણ ઉત્સાહ જોવા મળી રહ્યો છે. આ ફિલ્મ વિશે અવારનવાર કોઈને કોઈ સમાચાર સામે આવતા રહે છે. આ દરમિયાન ફિલ્મ સાથે જોડાયેલા વધુ એક સમાચાર સામે આવ્યા છે. વાસ્તવમાં, હવે રણબીરનો નવો લૂક ઈન્ટરનેટ પર ઝડપથી વાયરલ થઈ રહ્યો છે, જેને લઈને સોશિયલ મીડિયા પર દાવો કરવામાં આવી રહ્યો છે કે તે ‘એનિમલ’ના સેટ પરથી અભિનેતાનો એક વીડિયો છે.

વાસ્તવમાં આ ફિલ્મનો રણબીરનો નવો લૂક ઘણો વાયરલ થઈ રહ્યો છે, જેને જોયા બાદ ફેન્સ તેના લુકના વખાણ કરતા થાકતા નથી. વાયરલ વીડિયોમાં રણબીરને ક્લાસરૂમમાં ઊભો જોઈ શકાય છે. તે સ્ટુડેંટ યુનિફોર્મમાં છે, અને તેના શિક્ષક સાથે વાત કરી રહ્યો છે.

https://www.instagram.com/reel/Cs_g36fLCiy/?img_index=1

આ વીડિયો રણબીર કપૂર યુનિવર્સે પોતાના સોશિયલ મીડિયા એકાઉન્ટ પર શેર કર્યો છે. આ થોડીક સેકન્ડની ક્લિપ છે, જેમાં રણબીરનો ક્લીન શેવ સ્ટુડન્ટ લુક ઘણા લોકોને આકર્ષી રહ્યો છે. ચાહકોનું માનવું છે કે રણબીર 40 વર્ષની ઉંમરમાં પણ ખૂબ જ ક્યૂટ છે.

‘એનિમલ’ ના સેટ પરથી એક લીક થયેલો વિડિયો જે સોશિયલ મીડિયા પર વાયરલ થયો છે તેમાં ઘણા લોકો દાવો કરી રહ્યા છે કે તે ગયા વર્ષના શૂટ શેડ્યૂલનો છે. જો કે આ જોઈને લોકોમાં ફિલ્મ જોવાનો ઉત્સાહ વધુ વધી ગયો છે. એનિમલ એક ભારતની ફિલ્મ છે જે હિન્દી સિવાય તેલુગુ, તમિલ અને કન્નડ ભાષામાં રિલીઝ થશે.