ફિલ્મ ‘પ્રોજેક્ટ કે’માંથી પ્રભાસનો ફર્સ્ટ લૂક થયો રિલીઝ,અહીં જાણો લોકોએ શું કરી કોમેન્ટ
મુંબઈ :સાઉથના સુપરસ્ટાર પ્રભાસની ફેન ફોલોઈંગ ઘણી મોટી છે. અભિનેતાની ફિલ્મોની ચાહકો આતુરતાથી રાહ જોતા હોય છે. હાલમાં જ અભિનેતાની ‘રામાયણ’ રિલીઝ થઈ હતી, જેને લઈને ઘણો હોબાળો થયો હતો. હવે પ્રભાસની ‘પ્રોજેક્ટ કે’ રિલીઝ થવાની છે અને આવી સ્થિતિમાં મેકર્સે આ ફિલ્મમાંથી પ્રભાસનો ફર્સ્ટ લૂક જાહેર કર્યો છે. લોકોને એક્ટરનો આ લુક બિલકુલ પસંદ નથી આવી રહ્યો.
‘પ્રોજેક્ટ કે’માં પ્રભાસ સાથે દીપિકા પાદુકોણ, અમિતાભ બચ્ચન અને કમલ હસન પણ લીડ રોલમાં જોવા મળશે. દીપિકા પાદુકોણનો લુક થોડા દિવસો પહેલા જ સામે આવ્યો હતો, પોસ્ટરમાં દીપિકાનો ગુસ્સાથી ભરાયેલ લાલ ચહેરો જોવા મળી રહ્યો હતો. પોસ્ટર પર લખ્યું હતું કે, ‘એક ઉમ્મીદ જાગી છે, આવતીકાલ માટેની’. એક્ટ્રેસનો આ લુક ફેન્સને ખૂબ જ પસંદ આવ્યો હતો. દીપિકા પાદુકોણના આ લૂકને જોયા બાદ ચાહકો આ ફિલ્મ જોવા માટે વધુ ઉત્સાહિત થઈ ગયા છે. પરંતુ જ્યાં લોકો અભિનેતાના લુકના વખાણ કરી રહ્યા છે તો બીજી તરફ કેટલાક લોકો પ્રભાસને સસ્તો આયર્ન મેન કહી રહ્યા છે.
Stunning 🔥🔥🔥#Prabhas #ProjectK #WhatisProjectK #ComicCon
Rise of Indian Superhero
Indian Ironman arrives with a mythological backdrop👌👌
Sky is the limit @nagashwin7 pic.twitter.com/uG1Bl48QLv— Prabhas Fan (@moviebuff_hyd) July 19, 2023
લોકો પ્રભાસના લુકની સરખામણી આયર્નમેન સાથે કરી રહ્યા છે. લોકો કહે છે કે તેઓ આ લુક જોઈ ચૂક્યા છે અને તેઓ મેકર્સ પાસેથી કંઈક નવું કરવાની આશા રાખતા હતા.
‘પ્રોજેક્ટ કે’ નો ફર્સ્ટ લુક 20 જુલાઈએ યુએસએ અને 21 જુલાઈએ ભારતમાં જોવા મળશે. આ ફિલ્મમાં પ્રભાસ ઉપરાંત અમિતાભ બચ્ચન પણ મહત્વના રોલમાં જોવા મળશે. આ ફિલ્મ એક સાયન્સ ફિક્શન ફિલ્મ છે. જેનું નિર્દેશન નાગા અશ્વિને કર્યું છે.
