શાંતિ નિકેતન યુનેસ્કો હેરિટેજમાં સામેલ, પીએમ મોદીએ કહ્યું- ભારતીયો માટે ગર્વની ક્ષણ
કોલકાતા: પશ્ચિમ બંગાળના શાંતિનિકેતનને યુનેસ્કોની વર્લ્ડ હેરિટેજ લિસ્ટમાં સામેલ કરવામાં આવ્યું છે. શાંતિનિકેતનમાં જ કવિ રવીન્દ્રનાથ ટાગોરે એક સદી પહેલા વિશ્વભારતીની સ્થાપના કરી હતી. યુનેસ્કોએ રવિવારે સોશિયલ મીડિયા ‘X’ (અગાઉ ટ્વિટર) પર એક પોસ્ટમાં આ જાહેરાત કરી હતી.
યુનેસ્કોએ કહ્યું, “શાંતિનિકેતન યુનેસ્કોની વર્લ્ડ હેરિટેજ લિસ્ટમાં સામેલ છે. ભારતને અભિનંદન.” પશ્ચિમ બંગાળના બીરભૂમ જિલ્લામાં સ્થિત આ સાંસ્કૃતિક સ્થળને યુનેસ્કોની હેરિટેજ યાદીમાં સામેલ કરવા માટે ભારત લાંબા સમયથી પ્રયાસ કરી રહ્યું હતું.આ યાદીમાં શાંતિનિકેતનનો સમાવેશ કરવાનો નિર્ણય સાઉદી અરેબિયામાં વર્લ્ડ હેરિટેજ કમિટીના 45મા સત્ર દરમિયાન લેવામાં આવ્યો હતો. વડા પ્રધાન નરેન્દ્ર મોદીએ પશ્ચિમ બંગાળમાં શાંતિનિકેતનને યુનેસ્કોની વર્લ્ડ હેરિટેજ સાઇટ્સની યાદીમાં સામેલ કરવાને તમામ ભારતીયો માટે ગૌરવની ક્ષણ ગણાવી હતી.
પીએમ મોદીએ સોશિયલ મીડિયા પર કહ્યું: “ખુશી છે કે ગુરુદેવ રવિન્દ્રનાથ ટાગોરના વિઝન અને ભારતની સમૃદ્ધ સાંસ્કૃતિક વારસાનું પ્રતીક શાંતિનિકેતનને યુનેસ્કોની વર્લ્ડ હેરિટેજ સૂચિમાં સામેલ કરવામાં આવ્યું છે.” આ તમામ ભારતીયો માટે ગર્વની ક્ષણ છે.
Delighted that Santiniketan, an embodiment of Gurudev Rabindranath Tagore's vision and India's rich cultural heritage, has been inscribed on the @UNESCO World Heritage List. This is a proud moment for all Indians. https://t.co/Um0UUACsnk
— Narendra Modi (@narendramodi) September 17, 2023
પશ્ચિમ બંગાળના મુખ્યમંત્રી મમતા બેનર્જીએ કહ્યું કે તેમને ખુશી અને ગર્વ છે કે શાંતિનિકેતનને આખરે યુનેસ્કો વર્લ્ડ હેરિટેજ લિસ્ટમાં સામેલ કરવામાં આવ્યું છે. બેનર્જીએ ‘X’ પર પોસ્ટ કર્યું કે, પશ્ચિમ બંગાળ સરકાર વતી અમે છેલ્લા 12 વર્ષોમાં તેના માળખાકીય સુવિધાઓમાં નોંધપાત્ર વધારો કર્યો છે અને વિશ્વ હવે આ હેરિટેજ સાઇટના ગૌરવને ઓળખે છે. બંગાળ, ટાગોર અને તેમના ભાઈચારાના સંદેશાને પ્રેમ કરનારા તમામને શુભેચ્છાઓ. જય બાંગ્લા, ગુરુદેવને વંદન.
Glad and proud that our Santiniketan, the town of Gurudev Rabindranath Tagore, is now finally included in UNESCO's World Heritage List. Biswa Bangla's pride, Santiniketan was nurtured by the poet and has been supported by people of Bengal over the generations. We from the…
— Mamata Banerjee (@MamataOfficial) September 17, 2023
