વર્લ્ડકપમાં ઇતિહાસમાં પ્રથમ વખત ફાઇનલ મેચ બનશે યાદગાર, વિજેતા ટીમનું નામ ટ્રોફી સાથે આકાશમાં લખાશે

અમદાવાદ – આવતીકાલે રવિવારના રોજ અમદાવાદના નરેન્દ્ર મોદી સ્ટેડિયમમાં વર્લ્ડ કપની ફાઇનલ મેચ રમાનાર છે જેને તૈયારીઓને આખરી ઓપ આપવામાં આવી રહ્યો છે ત્યારે આ વર્લ્ડ કપ ફાઇનલ ખુબજ યાદગાર બનવા જઈ રહી છે . વિશ્વકપના ઈતિહાસમાં આ પ્રથમ વખત બનશે જ્યારે વિશ્વ ચેમ્પિયનનું નામ ટ્રોફીની સાથે આકાશમાં લખવામાં આવશે.

આ નામ  1200 ડ્રોન દ્વારા ફેલાવવામાં આવેલ  પ્રકાશ દ્વારા શક્ય બનશે. વિજેતાને ટ્રોફી અપાયા બાદ આખું નરેન્દ્ર મોદી સ્ટેડિયમ અનોખી  આતશબાજી થી જળહળી ઉઠશે . સૂર્ય કિરણના એરિયલ શો ઉપરાંત ઈન્ટરનેશનલ ક્રિકેટ કાઉન્સિલએ ફાઈનલને યાદગાર બનાવવા માટે લેસર શો અને સંગીતકાર પ્રિતમના મ્યુઝિકલ શોનું પણ આયોજન કર્યું છે. વધુ માં જો વાત કરીએ તો આ અવસર પર ભૂતપૂર્વ વિશ્વવિજેતા કેપ્ટનોને ન માત્ર આમંત્રિત કરીને સન્માનિત કરવામાં આવશે પરંતુ સ્ટેડિયમમાં તેમની પરેડ પણ કાઢવામાં આવશે.