સુરતમાં પ્રિ-વાઈબ્રન્ટ ટેક્સટાઈલ સમિટ ગુરૂવારે યોજાશે, 550થી વધુ ઉદ્યોગકારો હાજરી આપશે
સુરતઃ રાજયના મુખ્યમંત્રી ભૂપેન્દ્રભાઇ પટેલ અને કેન્દ્રીય ટેક્ષ્ટાઈલ મંત્રી પિયુષ ગોયલની ઉપસ્થિતિમાં આગામી 23મી નવેમ્બરના રોજ સુરત ખાતે પ્રિ-વાઇબ્રન્ટ ફયુચર રેડી 5F ટેકસ્ટાઇલ સેમિનાર યોજાશે. જેમાં 550 જેટલા ઉદ્યોગકારો હાજર રહેશે. આ સેમિનારમાં 2047માં વિકસીત ભારત માટે ટેક્ષટાઈલનું વિઝન શું હશે, તેના પર ચર્ચા કરાશે તેમજ 5F વિઝન- ફાર્મ ટુ ફાયબર- ફાયબર ટુ ફેબ્રિક- ફેબ્રિક ટુ ફેશન- ફેશન ટુ ફોરેન પર ટેક્ષટાઈલના નિષ્ણાતો વકતવ્ય આપશે.
સુરતના જિલ્લા કલેકટરે જણાવ્યું હતું કે જાન્યુઆરી 2024માં ગાંધીનગરમાં વાઇબ્રન્ટ ગુજરાત ગ્લોબલ સમિટ-2024નું આયોજન કરવામાં આવ્યું છે. જેના ભાગરૂપે રાજય સરકાર, એસોચેમ તથા ચેમ્બર્સ ઓફ કોર્મસના સહયોગથી ટેકસ્ટાઇલ હબ ગણાતા સુરત ખાતે ટેકસ્ટાઇલ અને એપેરલ સેકટર “ફયુચર રેડી 5F: ગુજરાતનું ટેકસ્ટાઇલ વિઝન ફોર વિકસિત ભારત”ની થીમ પર પ્રિ- વાયબ્રન્ટ ટેક્ષટાઈલ સમીટ યોજાશે. જેમાં 550 જેટલા ઉદ્યોગકારો દ્વારા રજીસ્ટ્રેશન કરવામાં આવ્યું છે.
જિલ્લા કલેકટરે વધુમાં જણાવ્યું હતું કે, 2047માં વિકસીત ભારત માટે ટેક્ષટાઈલનું વિઝન શું હશે તે માટે વડાપ્રધાન આગવા 5F વિઝન- ફાર્મ ટુ ફાયબર- ફાયબર ટુ ફેબ્રિક- ફેબ્રિક ટુ ફેશન- ફેશન ટુ ફોરેન પર ટેક્ષટાઈલના નિષ્ણાતો વકતવ્ય આપશે. આ પ્રિ-વાઇબ્રન્ટ સમિટમાં રાજયના મુખ્યમંત્રી ભૂપેન્દ્ર પટેલ, ભારત સરકારના વાણિજય અને ઉદ્યોગ, ગ્રાહક બાબતો, ખાદ્ય અને જાહેર વિતરણ અને ટેકસ્ટાઇલ મંત્રી પિયુષ ગોયલ, રેલ અને ટેકસ્ટાઇલ રાજયમંત્રી દર્શના જરદોશ, ગૃહ રાજયમંત્રી હર્ષ સંઘવી સહિતના પદાધિકારીઓ અને અધિકારીઓ ઉપસ્થિત રહેશે. ત્રણ સેશનમાં યોજાનારા સેમિનારમાં નેશનલ ટ્રેડ કાઉન્સીલ એસોચેમના ચેરમેન સોહેલ નથવાણી વિકસતી ભારત માટે ગુજરાત ટેક્ષટાઈલનું વણાટ, પ્રશાંત અગ્રવાલ ફોમ લુમ્સથી લીડિંગ એજ ટેક્ષટાઈલ ઈન્ફાસ્ટ્રકચર તથા સિનિયર કન્સલન્ટ સુર્યદેવ મુખર્જી વીવીગ ટ્રેડિશન ટેકનોલોજી વિષે માર્ગદર્શન આપશે.
આ ઉપરાંત તેમણે દેશની અગ્રગણ્ય ટેકસ્ટાઇ ઇન્ડસ્ટ્રી પૈકી આ સેમિનારમાં ઉપસ્થિત રહેનાર ઔદ્યોગિક એકમના સંચાલકો, પ્રતિનિધિઓ દ્વારા પણ વિગતે આ વિષે જાણકારી આપવામાં આવશે એમ જણાવ્યું હતું.
