જે પ્રદેશથી આવશે રામ ભક્ત, તેમાંથી પરંપરાગત ભોજન મળશે, સ્કેનિંગ પછી લોકરમાં રાખેલી વસ્તુ મળશે.
ભાજપની રામ દર્શન યાત્રામાં દેશભર માંથી આવતા ભક્તોને તેઓ જે પ્રદેશ માંથી આવે છે.તેનું પરંપરાગત ભોજન પીરસવામાં આવશે. અયોધ્યાના વેપારીઓ આ ભક્તો માટે વાસણ, અનાજ, મસાલા, અને અન્ય ખાધ સામગ્રી આપશે. એલપીજી ગેસ ડિસ્ટ્રીબ્યૂટર પણ સહયોગ માટે આગળ આવ્યા છે. તેમની સાથે મુલાકાત કર્યા પછી પાર્ટીના રાષ્ટ્રીય મહાસચિવ તરુણ ચુગે તેમને અલગ-અલગ જવાબદારીઓ સૌંપી હતી.
રામ દર્શન યાત્રાની તૈયારીને લઈને સર્કિટ હાઉસમાં યોજાયેલી બેઠકમાં મહામંત્રી ચુગે કહ્યું હતુ કે અયોધ્યા વિશ્વની ધાર્મિક રાજધાની તરિકે ઉભરી આવી છે. દેશ અને દુનિયા માથી રામ ભક્ત યાત્રિકો હજારો લાખોની સંખ્યામાં આવી રહ્યા છે. આ પ્રક્રિયા આગળ પણ ચાલું રહેશે અને તેની ઝડપ પણ વધશે. આ બધાને રહેવાની જમવાની સાથે બીજી સગવડો મળે તેવી વ્યવસ્થા કરવાની રહેશે. બેઠકમાં આ અંગે ચર્ચા કરવામાં આવી હતી.
ચુગે કહ્યું હતુ કે અહીં આવનારા લોકોને કોઈ સમસ્યાનો સામનો કરવો ના પડે તેઓ ભગવાન રામની ભક્તિમાં લીન રહે તેવી વ્યવસ્થા કરવાની જવાબદારી આપણા બધાની છે. ટીમો તમામ પ્રકારના મેનેજમેન્ટની જવાબદારી સંભાળશે. જે આવશે તે રામ ભક્ત હશે અને જે તેમની સેવા કરશે તે પણ રામ ભક્ત હશે. પ્રદેશ મહાસચિવ રામ પ્રતાપ ચૌહાણ, પ્રદેશ ઉપાધ્યક્ષ માનવેન્દ્ર સિંહ, વિધઆયક વેદ પ્રકાશ ગુપ્ત, આવાસ વ્યવસ્થા પ્રભારી અભિષેક મિશ્રા, ભોજન વ્યવસ્થા પ્રમુખ મિથિલેશ ત્રિપાઠી, જિલ્લા અધ્યક્ષ સંજીવ સિંહ, મહાનગર અધ્યક્ષ કમલેશ શ્રીવાસ્તવ, અમલ ગુપ્તા અને હરભજન ગૌર બેઠકમાં હાજર રહ્યા હતા.
