ગુજરાત સહિત દેશના અનેક રાજ્યોમાં હાલ કાળઝાળ ગરમી પડી રહી છે. દરમિયાન વધતી ગરમીના કારણે ઉત્તર પ્રદેશમાં પણ 2 લોકોના મોત થયા છે. મે મહિનાની શરૂઆતમાં આવી ભારે ગરમીના કારણે લોકો ભારે હાલાકીમાં મુકાયા છે. જો તમે લાંબા સમય સુધી પાણી પીતા નથી, પછી ભલે તમે ઘરમાં રહો કે બહાર જતા હોવ તો તમને એવું લાગશે કે તમારા શરીરમાં ઊર્જા નથી. તેમજ શરીર ધીમે ધીમે ડીહાઇડ્રેટ થવા લાગે છે. આવી સ્થિતિમાં, શરીરના અંગોને નુકસાન થવાનું જોખમ નોંધપાત્ર રીતે વધી જાય છે. જેના કારણે મૃત્યુ પણ થઈ શકે છે.
પાણીના અભાવે લોકો ડિહાઇડ્રેશનનો શિકાર પણ બની શકે છે. વાસ્તવમાં, જ્યારે શરીરમાં પાણીની અછત હોય છે, ત્યારે પાણીની સાથે, તેમાં મળતા આવશ્યક મિનરલ્સ અને વિટામિન્સની પણ કમી થવા લાગે છે. કિડની, ફેફસાં અને હૃદય જેવા શરીરના અંગોને નુકસાન થવાનું જોખમ વધી જાય છે.
- કિડનીને નુકસાન થાય છે
ડિહાઇડ્રેશનને કારણે, કિડની પર તણાવનો ભાર વધે છે. જેના કારણે કિડનીને પણ નુકસાન થવા લાગે છે. જે લોકો કિડનીની પથરીથી પીડાય છે તેઓની પથરી ગરમીના મોજાને કારણે મોટી થઈ શકે છે.
- હૃદય અને ફેફસાં પર પ્રતિકૂળ અસર કરે છે
જો શરીરના તાપમાનને નિયંત્રિત કરવું હોય, તો હૃદયને શરીરમાં લોહી પંપ કરવા માટે વધુ મહેનત કરવી પડે છે. જેના કારણે હૃદય પર પણ તેની ખરાબ અસર પડે છે.
- અસ્થમા વધી શકે છે
જો હવામાં પ્રદૂષણ વધુ હોય તેમજ ગરમી વધી હોય તો અસ્થમાના દર્દી માટે મુશ્કેલ સમય હોય છે. જ્યારે હવાની ગુણવત્તા ખરાબ હોય છે ત્યારે તેની સીધી અસર ફેફસા પર પડે છે.
ગરમીની પાચન શક્તિ પર પણ ખરાબ અસર પડે છે. ગરમીને કારણે પેટ ગરમ થઈ જાય છે. સમગ્ર પાચનતંત્ર બગડવા લાગે છે.
- હીટ વેવથી બચવા માટે બહાર નીકળતા પહેલા કરો આ બાબતો
જ્યારે પણ તમે બહાર જાઓ ત્યારે તમારા શરીરને ડીહાઇડ્રેટેડ ન થવા દો. એટલે કે પુષ્કળ પાણી પીવો.
ઉનાળામાં વધુ પાણી પીવો. બને એટલું પાણી પીઓ. આ ગરમીમાં દારૂ બિલકુલ ન પીવો જોઈએ. જેના કારણે શરીર ડીહાઈડ્રેશનનો શિકાર બને છે.
જ્યારે તમે બહાર જાઓ ત્યારે હળવા, ઢીલા અને સુતરાઉ કપડાં પહેરવાનો પ્રયાસ કરો.
