ISRO: તમિલનાડુમાં નવા લિક્વિડ રોકેટ એન્જિનનું સફળતાપૂર્વક પરીક્ષણ
બેંગ્લોરઃ ભારતીય અવકાશ સંશોધન સંસ્થા, ISROએ એડિટિવ મેન્યુફેક્ચરિંગ ટેક્નોલોજી દ્વારા ઉત્પાદિત નવા લિક્વિડ રોકેટ એન્જિનનું સફળતાપૂર્વક પરીક્ષણ કર્યું. તમિલનાડુના મહેન્દ્રગિરીમાં ISRO પ્રોપલ્શન કોમ્પ્લેક્સ ખાતે 9મી મેના રોજ સફળતાપૂર્વક પરીક્ષણ કરવામાં આવ્યું હતું. આ નવા પુનઃડિઝાઇન કરેલ PS4 એન્જિને ભાગોની સંખ્યા 14થી ઘટાડીને એક ભાગ પર લાવી છે અને 19 વેલ્ડ સાંધાને દૂર કર્યા છે. આનાથી એન્જિન દીઠ કાચા માલના વપરાશમાં નોંધપાત્ર બચત થશે, મેટલ પાવડર 565 કિગ્રાથી ઘટાડીને 13.7 કિગ્રા થશે અને ઉત્પાદનનો સમય 60 ટકા ઘટશે.
એક અહેવાલ મુજબ, આ નવા પુનઃડિઝાઇન કરેલ એન્જિનનો ઉપયોગ PSLV પ્રક્ષેપણ વાહનના ચોથા તબક્કા માટે અને PSLVમાં પ્રથમ તબક્કાની પ્રતિક્રિયા નિયંત્રણ સિસ્ટમમાં પણ કરવામાં આવશે. ISRO આ PS4 એન્જિનને નિયમિત PSLV પ્રોગ્રામમાં સામેલ કરવાની યોજના બનાવી રહ્યું છે. એડિટિવ મેન્યુફેક્ચરિંગ ટેક્નોલોજી એટલે PS4 એન્જિનનું 3D પ્રિન્ટિંગ. ખાનગી ભાગીદાર વિપ્રો 3Dએ 3D પ્રિન્ટેડ PS4 એન્જિનના હોટ પરીક્ષણને સફળતાપૂર્વક હાથ ધરવા માટે ISRO સાથે હાથ મિલાવ્યા. આ ભારતના અવકાશ કાર્યક્રમની અદ્યતન 3D ઉત્પાદન તકનીકના નવા યુગની શરૂઆત કરશે.
