કમલા હેરિસને મત આપવાનો મતલબ ચાર વર્ષની અક્ષમતા અને નિષ્ફળતાને મતઃ ટ્રમ્પ
જો બિડેન અમેરિકાની રાષ્ટ્રપતિપદની ચૂંટણીમાં રેસમાંથી ખસી ગયા બાદ હવે ટ્રમ્પનો મુકાબલો સીધો ભારતીય મૂળની કમલા હેરિસ સાથે છે.. એક ચૂંટણી રેલીને સંબોધતા ટ્રમ્પે કમલા હેરિસ પર જોરદાર શાબ્દિક પ્રહાર કર્યા. તેમણે કમલાને બિડેનના દરેક ખોટા નિર્ણયમાં સાથ આપવા માટે જવાબદાર ઠેરવી
હેરિસ ડેમોક્રેટિક પક્ષમાંથી સંભવિત ઉમેદવાર બન્યા બાદ 78 વર્ષીય ટ્રમ્પે પ્રથમ વખત ચૂંટણી રેલીને સંબોધિત કરી હતી. આ દરમિયાન તેમણે ખૂબ જ જોરદાર શાબ્દિક હુમલો કર્યો. કહ્યું, ‘સાડા ત્રણ વર્ષથી જુઠ્ઠું બોલી રહેલી કમલા હેરિસ બિડેનના દરેક ખોટા નિર્ણય પાછળ રહી છે. તે એક કટ્ટરપંથી છે જે ડાબેરીઓને સમર્થન આપે છે. જો તેમને ક્યારેય રાષ્ટ્રપતિ બનવાનો મોકો મળે તો તે દેશને તબાહ કરી નાખશે. અમે આવું થવા દઈશું નહીં.
- હું સારો બનવાનો નથીઃ ટ્રમ્પ
તેમણે તાળીઓના ગડગડાટ વચ્ચે તેમના સમર્થકોને પૂછ્યું. તેઓ કહે છે કે જ્યારે મને ગોળી વાગી ત્યારે મને કંઈક થયું. મેં સારું વર્તન કરવાનું શરૂ કર્યું. જ્યારે તમે આ લોકો સાથે વ્યવહાર કરો છો, ત્યારે તેઓ ખૂબ જ ખતરનાક લોકો છે. જ્યારે તમે તેમની વિરુદ્ધ કામ કરી રહ્યાં હોવ ત્યારે તમે ખરેખર ખૂબ સારા બની શકતા નથી. તેથી જો તમને વાંધો ન હોય, તો હું સારો બનવાનો નથી. શું આ ઠીક છે?’
- હેરિસ ઝડપથી દેશને બરબાદ કરશેઃટ્રમ્પ
તેમણે આરોપ લગાવ્યો, ‘કમલા હેરિસ અમેરિકન ઈતિહાસમાં સૌથી વધુ ઉદાર ચૂંટાયેલા રાજકારણી છે. તેઓ અતિ ઉદારવાદી રાજકારણી છે. તે બર્ની સેન્ડર્સ કરતાં વધુ ઉદાર છે. જો તે ક્યારેય સત્તામાં આવશે તો તે આ દેશને ઝડપથી બરબાદ કરી દેશે. તેમણે સરહદની રક્ષા કરવાની વાત હતી, પરંતુ તે ક્યારેય સરહદ પર ગયા નથી.
- પોતાના ભાષણમાં 45 વખત હેરિસના નામનો ઉલ્લેખ
તેમણે પોતાના સમર્થકોને કહ્યું કે હેરિસ ખોટું બોલી રહી છે. તેમણે કહ્યું, ‘જો બિડેનની માનસિક વિકલાંગતા વિશે કમલા હેરિસ જો આટલી નિર્લજ્જતાથી તમારી સાથે જૂઠું બોલી શકે છે, તો તે તમારી સાથે કોઈપણ બાબતમાં જૂઠું બોલશે. તેમના પર ક્યારેય વિશ્વાસ કરી શકાય નહીં. કુટિલ જો બિડેનની જેમ, કમલા હેરિસ પણ નેતૃત્વ માટે અયોગ્ય છે. તે એક વર્ષમાં આપણા દેશને બરબાદ કરી દેશે. આ દેશ બરબાદ થઈ જશે.
પૂર્વ રાષ્ટ્રપતિએ કહ્યું કે કમલા હેરિસને મત આપવો એ વધુ ચાર વર્ષની બેઈમાની, અક્ષમતા, નબળાઈ અને નિષ્ફળતાને મત આપવા સમાન છે.. ટ્રમ્પે કહ્યું કમલા જેને પણ સ્પર્શ કરે છે, તે સંપૂર્ણ બરબાદ થઇ જાય છે. તેમણે પોતાના ભાષણમાં હેરિસનો 45 વખત ઉલ્લેખ કર્યો હતો.
