- 12 વર્ષથી બાંગ્લાદેશી નાગરિક ભારતમાં રહેતો હતો
- આરોપીએ આધારકાર્ડ સહિતના નકલી દસ્તાવેજ ઉભા કર્યાં હતા
- બોગસ દસ્તાવેજના આધારે આરોપી સાઉદી અરેબિયા જઈ રહ્યો હતો
પૂણેઃ મુંબઈના છત્રપતિ શિવાજી મહારાજ ઈન્ટરનેશનલ એરપોર્ટ પરથી સાઉદી અરેબિયા જવાનો પ્રયાસ કરી રહેલા 25 વર્ષીય બાંગ્લાદેશી નાગરિકની મુંબઈ પોલીસે ધરપકડ કરી હતી. એક અધિકારીએ જણાવ્યું કે આરોપીનું નામ મોહમ્મદ ઉસ્માન કરમત અલી બિશ્વાસ છે, જે 2012થી ભારતમાં ગેરકાયદેસર રીતે રહેતો હતો. બિસ્વાસ 11 ઓગસ્ટે મુંબઈ એરપોર્ટથી સાઉદી અરેબિયાની ફ્લાઈટમાં ચઢવાનો પ્રયાસ કરી રહ્યો હતો, જેના માટે તેણે ઉસ્માન કિરામત સિદ્દીકના નામના નકલી ઓળખ કાર્ડનો ઉપયોગ કર્યો હતો. આ દરમિયાન પોલીસે તેને પકડી લીધો હતો.
પોલીસની પૂછપરછ દરમિયાન જાણવા મળ્યું હતું કે, તે 2012માં ગેરકાયદેસર રીતે ભારતમાં પ્રવેશ્યો હતો. ભારતમાં પ્રવેશ્યા બાદ તેને મતદાર આઈડી કાર્ડ, આધાર કાર્ડ અને પાન કાર્ડ જેવા મહત્વના નકલી દસ્તાવેજો બનાવડાવ્યાં હતા. પોલીસે જણાવ્યું કે, આ પહેલા પણ તેણે વર્ષ 2016 અને વર્ષ 2023માં પ્રવાસ કર્યો હતો. પોલીસે આરોપીઓ પાસેથી મતદાર આઈડી, આધાર કાર્ડ, પાસપોર્ટ અને અન્ય નકલી દસ્તાવેજો કબજે કર્યા છે.
પોલીસ પૂછપરછ દરમિયાન આરોપીએ જણાવ્યું કે, તે ગેરકાયદેસર રીતે ભારત આવ્યો હતો. લગભગ 13 વર્ષની ઉંમરે તેઓ કોલકાતા આવ્યા અને પછી પુણે ગયા હતા. ત્યાં કામ કરતી વખતે તેણે તેના દસ્તાવેજો બનાવડાવ્યાં હતા.
અગાઉ રવિવારે (11 ઓગસ્ટ) નવી મુંબઈ પોલીસે પાંચ બાંગ્લાદેશી નાગરિકોની નવી મુંબઈ વિસ્તારમાં ગેરકાયદેસર રીતે રહેવા બદલ ધરપકડ કરી હતી. એક સૂચનાના આધારે, નવી મુંબઈ પોલીસે કોપરખૈરણે વિસ્તારમાં સ્થિત એક રહેણાંક સંકુલ પર દરોડો પાડ્યો, જ્યાંથી તેઓએ ચાર મહિલાઓ અને એક પુરુષની ધરપકડ કરી હતી. આ મામલાની માહિતી આપતા કોપરખૈરણે પોલીસ સ્ટેશનના એક અધિકારીએ કહ્યું હતું કે, ‘આ લોકો નકલી દસ્તાવેજોના આધારે ભારત આવ્યા હતા. ચારેય મહિલાઓની ઉંમર 34 થી 45 વર્ષની વચ્ચે છે.
#MumbaiCrime
#IllegalImmigration
#FakeDocuments
#BangladeshiNational
#ChhatrapatiShivajiAirport
#MumbaiPolice
#Pune
#SaudiArabia
#HumanTrafficking
#NaviMumbai
