યુએનના સેક્રેટરી જનરલે Israel-Hezbollah ના શાંતિ સ્થાપિત કરવા માટે કર્યું આહ્વાન
- શાંતિ નહીં સ્થપાય તો સુરક્ષા અને સ્થિરતા જોખમમાં આવી શકે છે
- ઈઝરાયલ અને હમાસ વચ્ચે ચાલી રહ્યું છે યુદ્ધ
નવી દિલ્હીઃ યુએનના સેક્રેટરી જનરલ એન્ટોનિયો ગુટેરેસે ઈઝરાયેલ અને હિઝબુલ્લાહને શાંતિ માટે અપીલ કરી છે. નહીં તો સુરક્ષા અને સ્થિરતા જોખમમાં આવી શકે છે. તેમના પ્રવક્તા સ્ટીફન દુજારિકે આ માહિતી આપી છે. જોકે બંને પક્ષો વચ્ચેની અથડામણો ફરી ત્યારે વધી હતી, જ્યારે ઇઝરાયેલે લેબનોનમાં હિઝબુલ્લાહના લક્ષ્યો પર હવાઈ હુમલા શરૂ કર્યા અને હિઝબુલ્લાએ રોકેટ હુમલાઓ સાથે બદલો લીધો.
આ હુમલા લેબનોન અને ઇઝરાયેલ બંનેને જોખમમાં મૂકે છે, તેમજ પ્રાદેશિક સુરક્ષા અને સ્થિરતામાં મુશ્કેલી પેદા કરે છે. બ્લુ લાઇનએ એક સરહદ છે, જે ઇઝરાયેલ અને લેબનોનને અલગ કરે છે. લેબનોન (UNIFIL) માં સંયુક્ત રાષ્ટ્રના વચગાળાના દળ સાથે 895 ભારતીય શાંતિ રક્ષકો તૈનાત છે, જેઓ ત્યાં પેટ્રોલિંગ કરે છે. સેક્રેટરી-જનરલએ તણાવમાં તાત્કાલિક ઘટાડો કરવા અને તમામ બાજુઓ પર દુશ્મનાવટનો અંત લાવવા અને સુરક્ષા પરિષદના ઠરાવ 1701 ના સંપૂર્ણ અમલીકરણ માટે હાકલ કરી છે.
UNIFIL અને યુનાઇટેડ નેશન્સ ઑફિસ ઑફ ધ સ્પેશિયલ કોઓર્ડિનેટર ફોર લેબનોન (UNSCOL) એ સંયુક્ત નિવેદનમાં જણાવ્યું હતું કે ઠરાવો અમલમાં મૂકવો એ આગળનો એકમાત્ર ટકાઉ માર્ગ છે. યુએનની બે સંસ્થાઓએ જણાવ્યું હતું કે, “બ્લુ લાઇન પર ચિંતાજનક ઘટનાક્રમને ધ્યાનમાં રાખીને, UNSCOL અને UNIFIL બધાને યુદ્ધવિરામ જાળવી રાખવા અને વધુ આક્રમક કાર્યવાહીથી દૂર રહેવાનું આહ્વાન કરે છે.
UNIFIL સાથે તૈનાત ભારતીય શાંતિ રક્ષકો ઈઝરાયેલ અને હિઝબુલ્લાહ વચ્ચેના સંઘર્ષમાં ફસાઈ ગયા છે. હિઝબોલ્લાહ એ શિયા મુસ્લિમ પક્ષ છે, જેની પોતાની મજબૂત સેના છે અને તે દક્ષિણ લેબનોનમાં સ્થિત છે. હિઝબોલ્લાહ તેના લશ્કરી કમાન્ડર ફૌઆદ શુકુરની હત્યાનો બદલો લેવાની તૈયારીમાં, ઇઝરાયેલે લેબનોનમાં મિસાઇલ અને રોકેટ સાઇટ્સ પર લગભગ 100 જેટ સાથે હવાઈ હુમલા કર્યા હતાં.
હિઝબુલ્લાહે પણ ઈઝરાયેલ અને કબજા હેઠળની ગોલાન હાઈટ્સમાં લશ્કરી લક્ષ્યો સામે 321 રોકેટ અને ડ્રોન વડે જવાબી કાર્યવાહી કરી હતી. આ દરમિયાન હિઝબુલ્લાહના ત્રણ સભ્યો અને એક ઈઝરાયેલ સૈનિક માર્યા ગયા હતાં.
#PeaceInMiddleEast #IsraelHezbollahPeace #UNPeaceEfforts #CeasefireNow #DiplomacyForPeace #MiddleEastStability
#મધ્યપૂર્વમાંશાંતિ #યુએનશાંતિપ્રયાસ #ઇઝરાયલહિજબોલ્લા #યુદ્ધવિરામહવે #શાંતિમાટેકુટનિવિધિ
