- સરકારી અધિકારી-કર્મચારીઓને મિલકત જાહેર કરવા માટે સૂચના અપાઈ હતી
- મોટી સંખ્યામાં અધિકારી-કર્મચારીઓએ મિલકત જાહેર ના કરાતા કાર્યવાહી હાથ ધરાઈ
- 71 ટકા કર્મચારીઓએ જ તેમની જંગમ અને અચલ સંપત્તિની માહિતી અપલોડ કરી
લખનૌઃ ઉત્તર પ્રદેશ સરકારે રાજ્યના લગભગ 2.5 લાખ કર્મચારીઓનો ઓગસ્ટ મહિનાનો પગાર અટકાવી દીધો હોવાનું જાણવા મળે છે. રાજ્યના તમામ સરકારી કર્મચારીઓને તેમની જંગમ અને જંગમ સંપત્તિની વિગતો ઓનલાઈન પ્રોપર્ટી પોર્ટલ પર અપલોડ કરવા માટે સૂચના આપવામાં આવી હતી. આ માટેની છેલ્લી તારીખ 31મી ઓગસ્ટ નક્કી કરવામાં આવી હતી. જો કે, મોટી સંખ્યામાં કર્મચારીઓએ આ કામ કર્યું ન હતું. આ કારણોસર તેમનો પગાર રોકી દેવામાં આવ્યો હોવાનું જાણવા મળે છે.
સુત્રોના જણાવ્યા અનુસાર, યુપીમાં, ઓનલાઈન પ્રોપર્ટીની વિગતો ન આપનારા લગભગ 2.5 લાખ રાજ્ય કર્મચારીઓનો પગાર અટકાવી દેવામાં આવ્યો છે. ખરેખર, માનવ સંપદા પોર્ટલ પર રાજ્યના 2,44,565 કર્મચારીઓની મિલકતની વિગતો અપલોડ થઈ શકી નથી. યુપી સરકારના વિવિધ વિભાગોના રિપોર્ટના આધારે આ તમામ કર્મચારીઓનો ઓગસ્ટ મહિનાનો પગાર રોકી દેવામાં આવ્યો છે.
માહિતી અનુસાર, માત્ર 71 ટકા કર્મચારીઓએ જ તેમની જંગમ અને અચલ સંપત્તિની માહિતી અપલોડ કરી છે. IAS, IPS, PPS, PCS અધિકારીઓની જેમ રાજ્યના કર્મચારીઓ માટે મિલકતોની વિગતો ઓનલાઈન આપવી ફરજિયાત કરવામાં આવી છે. જો કે, શિક્ષકો, કોર્પોરેશનના કર્મચારીઓ, સ્વાયત્ત સંસ્થાઓના કર્મચારીઓનો તેમાં સમાવેશ કરવામાં આવ્યો ન હતો. અઢી લાખ જેટલા કર્મચારીઓનો પગાર અટકાવવામાં આવતા સરકારી અધિકારી-કર્મચારીઓ વચ્ચે ખળભળાટ મચી હતી.