WhatsApp એ ભારતમાં લાખો વપરાશકર્તાઓમાં લોકપ્રિય મેસેજિંગ એપ્સ છે. તેની લોકપ્રિયતાને કારણે, આ પ્લેટફોર્મ છેતરપિંડી કરનારાઓ અને સ્કેમર્સ માટે પણ હોટસ્પોટ બની ગયું છે. આનો સામનો કરવા માટે, WhatsApp દર મહિને ફરિયાદોની સમીક્ષા કરે છે અને તેના આધારે એકાઉન્ટને પ્રતિબંધિત કરે છે. ફરી એકવાર મોટી કાર્યવાહી કરતા WhatsAppએ એક મહિનામાં 80 લાખ એકાઉન્ટ પર પ્રતિબંધ લગાવી દીધો છે.
વોટ્સએપના નવા ટ્રાન્સપરન્સી રિપોર્ટ અનુસાર, મેટાની માલિકીની આ ઇન્સ્ટન્ટ મેસેજિંગ એપ્લિકેશને ઓગસ્ટમાં ભારતમાં 84,58,000 વપરાશકર્તાઓ પર પ્રતિબંધ મૂક્યો હતો. આ રિપોર્ટ ઇન્ફોર્મેશન ટેક્નોલોજી (મધ્યસ્થી માર્ગદર્શિકા અને ડિજિટલ મીડિયા એથિક્સ કોડ) નિયમો, 2021 ના નિયમ 4(1)(d) અને નિયમ 3A(7) ના પાલનમાં પ્રકાશિત કરવામાં આવ્યો છે.
1 ઓગસ્ટથી 31 ઓગસ્ટની વચ્ચે વોટ્સએપે કુલ 84,58,000 ભારતીય એકાઉન્ટ બ્લોક કર્યા છે. તેમાંથી, 16,61,000 એકાઉન્ટ્સને સક્રિયપણે પ્રતિબંધિત કરવામાં આવ્યા હતા, એટલે કે કોઈપણ વપરાશકર્તા ફરિયાદો પ્રાપ્ત થાય તે પહેલાં જ આ એકાઉન્ટ્સની ઓળખ કરવામાં આવી હતી અને પગલાં લેવામાં આવ્યા હતા.
વોટ્સએપે અહેવાલ આપ્યો કે, ઓગસ્ટ 2024માં તેને તેની ફરિયાદ સિસ્ટમ દ્વારા 10,707 યુઝર ફરિયાદો મળી હતી. જેમાંથી વોટ્સએપે 93 ફરિયાદો પર કાર્યવાહી કરી હતી. વપરાશકર્તાઓ ઈમેલ વગેરે દ્વારા વોટ્સએપના ઈન્ડિયા ગ્રીવન્સ ઓફિસરને ફરિયાદો મોકલે છે.
