પાકિસ્તાનની પીછેહઠ, PCB ચેમ્પિયન ટ્રોફીની યાત્રા POK માં નહીં કાઢી શકે
નવી દિલ્હીઃ ચેમ્પિયન્સ ટ્રોફી 2025નું આયોજન પાકિસ્તાનમાં થવાનું છે. ICC આ પહેલા પાકિસ્તાનને ટ્રોફી મોકલી ચૂક્યું છે. પાકિસ્તાન ક્રિકેટ બોર્ડ ટ્રોફી સાથે યાત્રા કરવા માંગતું હતું. PCB આ અંગે પાકિસ્તાન અધિકૃત કાશ્મીર (POK) જવાની પણ યોજના બનાવી રહ્યું હતું. પરંતુ ICCએ પાકિસ્તાનની યોજનાને બરબાદ કરી દીધી છે. હવે PCB ટ્રોફી સાથે Pok જઈ શકશે નહીં.
પાકિસ્તાન ક્રિકેટ બોર્ડ 16 નવેમ્બરથી 24 નવેમ્બર સુધી આખા દેશમાં ટ્રોફીનો પ્રવાસ કરવા માગતું હતું. તેને વિશ્વના સૌથી ઊંચા પર્વત શિખર K2 પર લઈ જવાની પણ યોજના છે. આ સાથે તેને પાકિસ્તાન અધિકૃત કાશ્મીરના ત્રણ શહેરો સ્કર્દુ, મુરી અને મુઝફ્ફરાબાદમાં લઈ જવાની યોજના છે. પરંતુ ભારતીય ક્રિકેટ કંટ્રોલ બોર્ડે આ અંગે વાંધો ઉઠાવ્યો હતો. આઈસીસીએ આની નોંધ લીધી છે. આઈસીસીએ પીસીબીને ટ્રોફી પીઓકે ન લઈ જવા માટે કહ્યું છે.
ચેમ્પિયન્સ ટ્રોફીને લઈને અત્યાર સુધી ઘણો હોબાળો થયો છે. ટીમ ઈન્ડિયા ટૂર્નામેન્ટ માટે પાકિસ્તાન નહીં જાય. આ અંગે PCBમાં ભારે હંગામો મચી ગયો છે. આ ટુર્નામેન્ટનું આયોજન આવતા વર્ષે 19 ફેબ્રુઆરીથી 9 માર્ચ સુધી કરવામાં આવશે. પરંતુ શેડ્યૂલ હજુ જાહેર કરવામાં આવ્યું નથી. જો કે આ પહેલા જ ચેમ્પિયન્સ ટ્રોફી પાકિસ્તાન પહોંચી ગઈ છે.
અત્રે ઉલ્લેખનીય છે કે, આગામી વર્ષે પાકિસ્તાનમાં આઈસીસી ચેમ્પિયન ટ્રોફી યોજાવાની છે. જેને લઈને પાકિસ્તાન અને આઈસીસી દ્વારા તૈયારીઓ શરૂ કરી દેવામાં આવી છે. જો કે, સુરક્ષાના કારણોસર પાકિસ્તાનમાં ચેમ્પિયન ટ્રોફી રમવા માટે પાકિસ્તાન જવાનો ઈન્કાર કર્યો છે. તેમજ ભારતની મેચ અન્ય દેશમાં રમાડવાની માંગણી કરવામાં આવી છે.
