- રામ મંદિરના નિર્માણ માટે નિષ્ણાંતોની સમિતિનું ગઠન
- સમિતિ 15 ડિસેમ્બરના રોજ રિપોર્ટ સોંપસે
દિલ્હીઃ-અયોધ્યામાં રામ મંદિર નિર્માણની તૈયારીઓ પુર જોરશોરથી શરુ કરવામાં આવી ચૂકી છે. શ્રી રામ જન્મભૂમિ મંદિર નિર્માણ સમિતિના અધ્યક્ષ નૃપેન્દ્ર મિશ્રાની અધ્યક્ષતામાં એક બેઠક યોજવામાં આવી હતી. આ બેઠકમાં અયોધ્યામાં શ્રી રામ જન્મભૂમિ મંદિરના પાયાની રચનાની સમીક્ષા અને ભલામણ અંગે સંબંધિત વિસ્તારના એન્જિનિયરોની પેટા સમિતિની રચના કરવામાં આવી હતી.
રામ મંદિર નિર્માણ માટે બનાવવામાં આવેલી આ સમિતિમાં દેશના ટોચના એન્જિનિયરોને રાખવામાં આવ્યા છે. આ સમિતિ આવનારી 15 ડિસેમ્બરના રોજ મંદિરના નિર્માણ અંગેનો સમગ્ર અહેવાલ રજૂ કરશે. આ સમિતિનો હેતુ વિવિધ ભૂ-તકનીકી સૂચનોને ધ્યાનમાં રાખીને ઉચ્ચ ગુણવત્તાવાળા અને દીર્ધાયુષ્ય સાથે મંદિરનું નિર્માણ કરવાનો છે.
આ મંદિર નિર્માણ સમિતિના પસંદ કરવામાં આવેલા નિષ્ણાંતોના નામ આ પ્રમાણે છે
- અધ્યક્ષ – આઇઆઇટી દિલ્હીના ભૂતપૂર્વ નિર્દેશક પ્રો. વી.એસ.રાજુ
- કન્વીયર – પ્રો. એન. ગોપાલકૃષ્ણન – ડાયરેક્ટર, સીબીઆરઆઈ
- સભ્ય – પ્રો. એસ. એસ. ગાંધી – ડિરેક્ટર એનઆઈટ, સુરત
- પ્રો. ટી.જી. સીતારામ ડાયરેક્ટર આઈઆઈટી ગુવાહાટી,
- પ્રો. બી. ભટ્ટાચારજી એમિરેટસ પ્રોફેસર આઈઆઈટ દિલ્હી
- એપી મૂલ – સલાહકાર ટીસીઈ
- પ્રો. મનુ સંથાનમ – આઈઆઈટી, મદ્રાસ
- પ્રો. પ્રદીપ્તા બેનર્જી – આઈઆઈટી, મુંબઇ.
ઉલ્લખનીય છે કે રામ મંદિરની આતુરતાથી રાહ જોવાઈ રહી છે, દેશવાસીઓ રામ મંદિરને લઈને ઘણા ઉત્સાહિત છે,દેશના પ્રધાન મંત્રી મોદીએ આ મંદિરનો પાયો નાખ્યો હતો જે એક ઐતિહાસિક ક્ષણ ગણાય છે, આવનારા વર્ષોમાં આ એક ઈતિહાસ રચાશે.
સાહિન-
