નવી દિલ્હીઃ ભારત અને ઝિમ્બાબ્વે વચ્ચે ગુરુવારથી ત્રણ મેચની વન-ડે શ્રેણી શરૂ થઈ રહી છે. આ માટે કેએલ રાહુલના નેતૃત્વમાં ભારતની યુવા ટીમ હરારેમાં જોરદાર પ્રેક્ટિસ કરી રહી છે. જ્યારે ભારતીય સ્ટાર્સ પ્રેક્ટિસ માટે મેદાનમાં પ્રવેશ્યા ત્યારે તેમને જોવા માટે સ્ટેડિયમના ગેટ પર ઘણા ચાહકો એકઠા થયા હતા. તેમાંથી એક પ્રશંસકે ઈશાન કિશન તરફ ઈશારો પણ કર્યો અને બંને વચ્ચે વાતચીત થઈ હતી. તેનો વીડિયો પણ સામે આવ્યો છે.
આશિષ નામનો આ ફેન ઈશાન કિશનને રમતો જોવા માટે જ પટનાથી ઝિમ્બાબ્વે પહોંચ્યો હતો. ઇશાનને નેટ્સમાં બેટિંગ કરતા જોવા માટે તે પ્રેક્ટિસ ગ્રાઉન્ડ પર પહોંચ્યો હતો. આશિષે જણાવ્યું કે પટનામાં ઈશાનનું ઘર કાંકરબાગમાં છે અને તેના ઘરથી માત્ર પાંચથી દસ કિલોમીટર દૂર છે.
આશિષે જણાવ્યું કે, તે મેદાનના ગેટ પર કેટલાય કલાકો સુધી ઊભો રહ્યો અને ભારતીય ખેલાડીઓને પ્રેક્ટિસ કરતા જોતો રહ્યો. જોકે, ઈશાન જ્યારે બેટિંગ કરવા આવ્યો ત્યારે તેના ચહેરા પર ખુશીની લહેર દોડી ગઈ હતી. આશિષે જણાવ્યું કે જ્યારે ઈશાન પ્રેક્ટિસ બાદ ચેન્જિંગ રૂમમાં જઈ રહ્યો હતો ત્યારે તેઓ તેને મળ્યા હતા.
આશિષે કહ્યું કે, ઈશાન કિશન અને ભારતીય ટીમને સપોર્ટ કરવા આવ્યો છું. હું ત્રણેય મેચ જોઈશ. અમે બધા ખરેખર ખુશ છીએ કે અમે ખેલાડીઓને પ્રેક્ટિસ કરતા જોવા મળી રહ્યા છીએ. હું ખરેખર ઈશાનના એક મિત્રને ઓળખું છું. તેનું નામ યશસ્વી.