પરીક્ષાઓના પારદર્શક, સરળ અને નિષ્પક્ષ સંચાલનને સુનિશ્ચિત કરવા ઉચ્ચ-સ્તરીય સમિતિની રચના કરાઈ

નવી દિલ્હીઃ નેશનલ ટેસ્ટિંગ એજન્સી (એનટીએ) મારફતે પરીક્ષાઓનું પારદર્શક, સરળ અને નિષ્પક્ષ આયોજન સુનિશ્ચિત કરવા માટે, ઉચ્ચ શિક્ષણ વિભાગ, શિક્ષણ મંત્રાલયે નિષ્ણાતોની એક ઉચ્ચ-સ્તરીય સમિતિની રચના કરી છે, જે પરીક્ષા પ્રક્રિયાની વ્યવસ્થામાં સુધારો, ડેટા સુરક્ષા પ્રોટોકોલમાં સુધારો અને નેશનલ ટેસ્ટિંગ એજન્સીનું માળખું અને કામગીરી અંગે ભલામણ કરશે. ઈસરોના પૂર્વ ચેરમેન ડો.કે.રાધાકૃષ્ણનને ઉચ્ચ સ્તરીય સમિતિના અધ્યક્ષ બનાવવામાં આવ્યાં છે. આ ઉપરાંત સમિતિમાં એઈમ્સ દિલ્હીના પૂર્વ નિદેશક ડો.રણદીપ ગુલેરિયા, સેન્ટ્રલ યુનિવર્સિટી ઓફ હૈદરાબાદના વાઇસ ચાન્સેલર પ્રો. બી. જે. રાવ, આઈઆઈટી મદ્રાસના પ્રોફેસર રામમૂર્તિ કે., પીપલ સ્ટ્રોંગ અને બોર્ડના સભ્ય કર્મયોગી ભારતના કો-ફાઉન્ડર પંકજ બંસલ, આઈઆઈટી દિલ્હીના ડીન સ્ટુડન્ટ અફેર્સના પ્રો.આદિત્ય મિત્તલ, શિક્ષણ મંત્રાલયના સંયુક્ત સચિવ ગોવિંદ જયસ્વાલનો પણ સમાવેશ કરવામાં આવ્યો છે.

• સમિતિની સંદર્ભની શરતો આ પ્રમાણે છે.

(i) પરીક્ષા પ્રક્રિયાની વ્યવસ્થામાં સુધારો

• સંપૂર્ણ પરીક્ષા પ્રક્રિયાનું વિશ્લેષણ કરવું અને સિસ્ટમની કાર્યક્ષમતામાં સુધારો કરવા અને કોઈપણ સંભવિત ઉલ્લંઘનને રોકવા માટેના પગલાં સૂચવવા.
• એનટીએની સ્ટાન્ડર્ડ ઓપરેટિંગ પ્રોસિજર (એસઓપી)/પ્રોટોકોલ્સની સંપૂર્ણ સમીક્ષા હાથ ધરવી અને દરેક સ્તરે અનુપાલનને સુનિશ્ચિત કરવા માટે મોનિટરિંગ મિકેનિઝમની સાથે આ પ્રક્રિયાઓ/પ્રોટોકોલને મજબૂત કરવાના પગલાં સૂચવવા.

(ii) ડેટા સુરક્ષા પ્રોટોકોલમાં સુધારો

• એનટીએની હાલની ડેટા સુરક્ષા પ્રક્રિયાઓ અને પ્રોટોકોલ્સનું મૂલ્યાંકન કરવા અને તેના સુધારણા માટેના પગલાંની ભલામણ કરવા માટે.
• વિવિધ પરીક્ષાઓ માટે પેપર-સેટિંગ અને અન્ય પ્રક્રિયાઓથી સંબંધિત હાલના સુરક્ષા પ્રોટોકોલની તપાસ કરવી અને સિસ્ટમની મજબૂતાઈ વધારવા માટે ભલામણો કરવી.

(iii) રાષ્ટ્રીય પરીક્ષણ એજન્સીનું માળખું અને કામગીરી

• મુદ્દા (i) અને (ii) હેઠળ આપવામાં આવેલી ભલામણોના અમલીકરણ માટે રાષ્ટ્રીય પરીક્ષણ એજન્સી (એનટીએ)ના સંગઠનાત્મક માળખા અને કામગીરી પર ભલામણો કરવી તથા દરેક સ્તરે કાર્યકર્તાઓની ભૂમિકા અને જવાબદારીઓને સ્પષ્ટ રીતે વ્યાખ્યાયિત કરવી.
• એનટીએની હાલની ફરિયાદ નિવારણ વ્યવસ્થાનું મૂલ્યાંકન કરવું, સુધારાના ક્ષેત્રોને ઓળખવા અને તેની કાર્યદક્ષતા વધારવા માટે ભલામણ કરવી.

સમિતિ આ આદેશ જારી થયાની તારીખથી બે મહિનાની અંદર મંત્રાલયને પોતાનો અહેવાલ સુપરત કરશે. સમિતિ કોઈ પણ વિષય નિષ્ણાતને તેમની સહાય માટે સહકાર આપી શકે છે.