બિહારમાં મોટી રેલ દૂર્ઘટના ટળી, મુસાફરો ભરેલી ટ્રેનનું એન્જિન બોગીઓથી અલગ પડ્યું

નવી દિલ્હીઃ બિહારના નરકટિયાગંજ-મુઝફ્ફરપુર રેલ્વે લાઇન પર મોટી દુર્ઘટના ટળી હતી. મજૌલિયા-બેટિયા રેલવે સ્ટેશન વચ્ચે મહોદીપુર રેલ ગુમતી પાસે સત્યાગ્રહ એક્સપ્રેસનું એન્જિન પાટા પરથી ઉતરી ગયું હતું. જે બાદ બોગીઓ એન્જિન વગર ટ્રેક પર દોડવા લાગી હતી. સત્યાગ્રહ એક્સપ્રેસ એન્જિન અને ચાર બોગી સાથે રવાના થઈ હતી, બાકીની બોગીઓ એન્જિન વગર રેલ ટ્રેક પર દોડવા લાગી હતી.

જો કે, જ્યારે ડ્રાઈવરને તેની જાણ થઈ ત્યારે ચાર બોગી સાથેનું એન્જિન માત્ર 100 મીટર આગળ જ ગયું હતું. ડ્રાઈવરે ઈમરજન્સી બ્રેક લગાવીને એન્જિન સહિત ચાર બોગીને રોકી હતી. જે બાદ તમામ બોગીને ફરીથી જોડીને ટ્રેનનું સંચાલન શરૂ કરવામાં આવ્યું હતું. દરમિયાન ટ્રેન લગભગ 15 મિનિટ સુધી રેલ ફાટક પાસે ઉભી રહી હતી. આ બાબતે મુસાફરોએ હોબાળો પણ મચાવ્યો હતો. એવું કહેવાય છે કે બોગીને જોડવા માટે ઉપયોગમાં લેવાતા કપલિંગ અચાનક તૂટી જવાને કારણે આ અકસ્માત થયો હતો.

રક્સૌલ-આનંદ બિહાર સત્યાગ્રહ એક્સપ્રેસ નિર્ધારિત સમયે રક્સૌલથી રવાના થઈ હતી. મહોદીપુર ટ્રેન ગુમતી નજીક પહોંચી હતી. ટ્રેનમાં સવાર એક મુસાફર રાકેશ કુમારે જણાવ્યું કે જ્યારે ટ્રેન મજૌલિયાથી ખુલી ત્યારે તે વચ્ચે-વચ્ચે ધક્કો મારી રહી હતી પરંતુ ડ્રાઈવરે ધ્યાન આપ્યું ન હતું. તેઓ મહોદીપુર ગુમતી પહોંચ્યા કે તરત જ એક આંચકો લાગ્યો અને પાયલટ એન્જિન સહિત ચાર બોગી લઈને રવાના થઈ ગયો. જ્યારે 18 બોગી આ રીતે ટ્રેક પર રેગળવા લાગી.