આ દિવસે પૃથ્વી સાથે ટકરાશે ઉલ્કા,22 પરમાણુ બોમ્બ વિસ્ફોટ જેવી હશે ટક્કર

જો પૃથ્વી માટે સૌથી મોટો ખતરો કંઈ હોય તો તે એસ્ટરોઈડ છે. ઉલ્કાના અથડામણથી પૃથ્વી પરથી ડાયનાસોરની આખી પ્રજાતિનો નાશ થઈ ગયો હતો. હવે એક ઉલ્કા પૃથ્વી તરફ આવી રહ્યું છે. જેની અથડામણની ચોક્કસ તારીખ જાણવા મળી છે. આ અથડામણમાં 22 પરમાણુ બોમ્બની સમકક્ષ વિનાશ કરવાની શક્તિ હશે.

જે ઉલ્કાપિંડની વાત ચાલી રહી છે તેનું નામ બેનુ છે. આ ઉલ્કા દર છ વર્ષે આપણી પૃથ્વી પાસેથી પસાર થાય છે. પરંતુ તેની ટક્કર 24 સપ્ટેમ્બર 2182 ના રોજ થશે. એટલે કે 159 વર્ષ પછી. સમાચાર અનુસાર, કયામતની આ તારીખ દૂર છે, પરંતુ નાસાએ તેનાથી બચવા માટે તૈયારીઓ શરૂ કરી દીધી છે.

નાસા એ પ્રયાસમાં લાગ્યું છે કે,કોઈ રીતે બેનુ ઉલ્કાપિંડની દિશા બદલવામાં આવે. તાજેતરમાં, નાસાનું અવકાશયાન બેનુથી માટી અને પથ્થરોના નમૂના લઈને પૃથ્વી તરફ આવી રહ્યું છે. સંભાવના છે કે,આ મહિનાની 24મી તારીખે કોઈ પણ સમયે તે પૃથ્વી પર લેન્ડ કરશે. ઉતરાણ ઉટાહના ગ્રેટ સોલ્ટ લેક રણમાં ક્યાંક થવાની સંભાવના છે.

સેમ્પલ લઈને પરત ફરતા નાસાના કેપ્સ્યુલ OSIRIS-RExના પ્રોજેક્ટ મેનેજર રિચ બર્ન્સે જણાવ્યું કે અમે સાત વર્ષ પહેલા બેનુથી સેમ્પલ લાવવા માટે આ વાહન મોકલ્યું હતું. હવે અમે આ પ્રોજેક્ટના છેલ્લા તબક્કામાં છીએ. એ અલગ વાત છે કે બેનુની ટક્કરથી જે નુકસાન થશે તે ખૂબ જ ભયંકર હશે. પરંતુ તેની શક્યતા 2700માં માત્ર એક જ છે.

બેનુ એ ઉલ્કાપિંડ કરતા 20 ગણું ઓછું પહોળું છે જેણે પૃથ્વી પરથી ડાયનાસોરને ભૂંસી નાખ્યા હતા. પરંતુ જો તે અથડાશે તો ભારે વિનાશ થશે. ભલે તે જમીન સાથે અથડાય કે દરિયામાં પડે. આના કારણે, વિશ્વભરમાં ઘણા જીવોની વસ્તી નાશ પામી શકે છે. તેની ટક્કરથી બનેલો ખાડો લગભગ 10 કિલોમીટર પહોળો હશે.

આટલું જ નહીં, આના કારણે અથડામણ સ્થળની આસપાસ લગભગ 1000 કિલોમીટર સુધી કંઈ જ બચશે નહીં. પરંતુ જો તે સમુદ્રમાં પડી જાય તો તબાહી વધારે થઈ શકે છે, કારણ કે તેની અથડામણથી ઉદભવેલી સુનામીની લહેર નજીકના ટાપુઓ કે દેશમાં ભયંકર તબાહી મચાવી શકે છે. જો કે, નાસાનું માનવું છે કે બેનુ પૃથ્વી સાથે અથડાવાની સંભાવના અત્યારથી 2300 વર્ષ સુધી 1750માં માત્ર 1 જ છે.

OSIRIS-REx સેમ્પલ ધરાવતું કેપ્સ્યુલ મિની ફ્રિજનું કદ છે. તેની અંદર માટી અને પથ્થરનો 250 ગ્રામનો નમૂનો રાખવામાં આવ્યો છે. તેણે 2020માં બેનુમાંથી માટીના નમૂના લીધા હતા. ત્યારથી તે પૃથ્વી તરફ ભ્રમણ કરી રહ્યો છે. આ કેપ્સ્યુલ હાલમાં 45 હજાર કિલોમીટર પ્રતિ કલાકની ઝડપે પૃથ્વી તરફ આવી રહ્યો છે. જ્યારે તે પૃથ્વીના વાતાવરણમાં પ્રવેશે છે, ત્યારે તે લાવાની બમણી ગરમીને સહન કરશે.